Qazaqstan Respýblıkasy Tuńǵysh Prezıdenti mýzeıine 10 jyl!

ASTANA. QazAqparat - Qazaqstan Respýblıkasy Tuńǵysh Prezıdentiniń mýzeıi 2014 jyldyń 25 tamyzynda 10 jyldyq mereıtoıyna arnalǵan keshendi is-sharalar ótkizýdi josparlap otyr, dep habarlady mýzeıdiń baspasóz qyzmetinen.

Jospar boıynsha, 25 tamyz kúni mýzeıdiń 10 jyldyǵyna arnalǵan keshendi sharalar «Qazirgi qoǵamdaǵy Mýzeı. Jańa damý joldaryn izdestirý» halyqaralyq ǵylymı-tájirıbelik konferentsııasymen bastalady. Sodan keıin, «Seriktester shoqjuldyzy» forýmymen jalǵasady. Sonymen qatar, merekelik is-sharalar barysynda qonaqtar Kúmbezdi zalda ornalasqan «Bizge 10 jyl» fotokórmesi materıaldarymen tanysyp, úlken banket zalynda belgili músinshi N.Qalıevtyń «Aǵash qudireti» kórmesin tamashalaı alady. Al Qazaqstandaǵy murajaı isiniń ózekti máselelerine arnalǵan sheberlik-synyp jumysy «Murajaı pedagogıkasy» taqyrybynda belgili murajaıtanýshy-mamandardyń qatysýymen ótedi, delingen habarlamada.