Qazaqstan Respýblıkasy Tótenshe jaǵdaılar mınıstrliginiń alqa májilisi ótti

Májili jumysyna Aqmola oblysynyń ákimi Sergeı Dıachenko, mınıstrlik alqasynyń ókilderi, TJM-nyń ortalyq apparaty men oǵan qarasty uıymdardyń basshylary men jaýapty qyzmetkerleri, Astana men Almaty qalalary boıynsha Tótenshe jaǵdaılar departamentteriniń basshylary qatysty.

Májiliste tórt suraq qaraldy. Onyń birinshisi - «Tabıǵı jáne tehnogendi sıpattaǵy tótenshe jaǵdaılardy joıý boıynsha jumystardyń qazirgi jaǵdaıy men ony jetildirý» máselesi boıynsha Tótenshe jaǵdaılardy joıý departamentiniń dırektory D.Satylǵanov málimdedi.

Máselen, TJM respýblıkalyq deńgeıdegi «Kóktem», «Munaı», «Bosqyn», «Jer», «Qys», «Qaýipsizdik» jáne halyqaralyq deńgeıdegi «Jetisý», «Bogorodsk - ShYU», «Ózara árekettestik» komandalyq-shtabtyq oqýlar men «Qazqutqarý» súńgýir-qutqarýshylardyń jıyn-semınaryn ótkizedi.

Dapartament dırektory atap kórsetkendeı, bıylǵy jyly qıyn meteorologııalyq jaǵdaılar barysynda qalyptasqan tótenshe jaǵdaılarda adam shyǵynyn boldyrmaý, olardy joıý jáne aldyn alý boıynsha sharalar qolǵa alyndy. Tótenshe jaǵdaılardyń saldaryn shuǵyl túrde joıý úshin TJM-da jáne oblystarda shtabtar men shuǵyl toptar quryldy.

Sondaı-aq D.Satylǵanov, aldaǵy EQYU Sammıti men 7-shi Qysqy Azııa oıyndaryn ótkizý kezinde qaýipsizdikti qamtamasyz etý máselesine de toqtalyp, qazir kezekshilik kúshterdiń kúsheıtilýi men nysandarǵa qutqarýshy qurylymdar jedel jetetin syzbalar pysyqtalǵandyǵyn málim etti. Árbir nysanda turaqty kezekshilikte órtke qarsy jáne qutqarý qyzmetteri, órt jáne ónerkásiptik qaýipsizdiktiń ınjenerlik-ınspektorlyq quramy, Medıtsınalyq apat ortalyǵynyń dárigerleri, QR Densaýlyq saqtaý mınıstrliginiń jedel járdem brıgadalary, sondaı-aq TJM-nyń avıatsııasy bolady.

Ekinshi suraq -«1-shi jartyjyldyqta mınıstrliktegi oryndaýshylyq tártiptiń jaǵdaıy jáne ony jetildirý sharalary týraly» Ákimshilik jumys departamentiniń dırektory E.Aldońǵarov baıandady. Ol, vedomstvoda qaǵaz júzindegi qujat aınalymdy qysqartý, oryndaýshylyq tártipti kúsheıtý, Astana jáne Almaty qalalary boıynsha Departamentterde isqaǵazdardy tekserý júrgizilip otyratyndyǵyn atap ótti. Jeke jáne zańdy tulǵalardyń úndeýleri erekshe baqylaýǵa alyndy. Memlekettik tildi qujat ázirleýdiń negizgi tili retinde qoldaný sharalary júrgizilýde.

«Mınıstrliktiń 2010-2014 jyldarǵa arnalǵan Strategııalyq josparlarynyń is-sharalaryn oryndaý týraly» Strategııalyq josparlaý, aqparattyq-taldaý jumysy, ǵylym jáne jańa tehnologııalar departamentiniń dırektory S.Ǵabbasov aıtyp berdi.

Onyń sózine qaraǵanda, 2010 jyldyń alǵashqy jartyjyldyǵynda halyqty tótenshe jaǵdaılardan qorǵaý deńgeıin arttyrýǵa septigin tıgizetin birqatar strategııalyq maqsattarǵa qol jetkizilip, iri ınvestıtsııalyq jobalardy júzege asyrýdan mýltıplıkatıvti nátıje alyndy. Máselen, Býrabaı-Şýchınsk aýmaǵynda Kóksaraı sý rettegishiniń birinshi kezegi iske qosyldy, «Esil ózeniniń erigen sýynan Astana qalasyn qorǵaý» kesheni tolyq jobalyq qýatyna qosyldy, «Densaýlyq» mamandandyrylǵan medıtsınalyq poıyzy shyǵaryldy jáne Astanada QR TJM-nyń alǵashqy sport kesheni ashyldy.

Májilis kúntártibiniń sońǵy suraǵy - mınıstrlik alqasynyń 2009 jylǵy maýsymnyń 26-syndaǵy «QR TJM-nyń aýmaqtyq organdarynda krızıstik ortalyqtardy qurý jónindegi jumystardyń jaǵdaıy men ony damytý joldary týraly» №8-shi qaýlysynyń oryndalý barysyna arnaldy.

Aqparattandyrý jáne baılanys departamentiniń dırektory M.Qundaqbaev, qazir óńirlerde krızısti ortalyqtardy qurý, olardy tehnıkalyq jaraqtaýmen olardyń jumysyn qamtamasyz etý boıynsha jumystar atqarylyp jatqandyǵyn málim etti.