«Qazaqstan Respýblıkasy táýelsizdiginiń hronıkasy: oqıǵalar men faktiler (1991-2011 jyldar)» atty anyqtamalyq-aqparattyq basylym jaryq kórdi
ASTANA. 13 sáýir. QazAqparat - Búgin elordadaǵy QR Ulttyq muraǵatynda «Qazaqstan Respýblıkasy táýelsizdiginiń hronıkasy: oqıǵalar men faktiler (1991-2011 jyldar)» atty anyqtamalyq-aqparattyq basylymnyń tanystyrylymy ótti.
«Tarıh úshin 20 jyl óte qysqa merzim. Degenmen Táýelsizdiktiń árbir jyly Qazaqstannyń tolyq bir dáýiri ári jańa tarıhy. Sondyqtan da Qazaqstan Respýblıkasynyń táýelsizdigi men egenmendigi kezeńindegi tarıhı árbir oqıǵa nazardan tys qalmaýy kerek. Sondyqtan da QR Ulttyq muraǵaty el Prezıdenti N.Nazarbaevtyń basshylyǵymen júzege asyrylǵan syndarly saıasatqa óz úlesin qosý úshin osy basylymdy shyǵaryp otyr», - dedi QR Ulttyq muraǵatynyń bas dırektory Marat Ábsemetov.
Tanystyrylym barysynda L.Gýmılev atyndaǵy Eýrazııa ulttyq ýnıversıtetiniń, Memleket tarıhı ınstıtýtynyń, Qazaq memlekettik zań ýnıversıtetiniń ǵalymdary sóz sóılep, atalǵan basylym jaıynda ózderiniń tolymdy pikirlerin ortaǵa saldy.
Shara sońynda jınalǵan qaýym «Ǵasyr bulbuly - Kúlásh» atty qujattyq kórmege saıahat jasady.
