Qazaqstan Respýblıkasy sýlaryndaǵy jolaýshylar tasymaly kemelerin eki aptalyq tekserý jumystary aıaqtaldy - KKM
ASTANA. 29 shilde. QazAqparat. Qazaqstan Respýblıkasy Kólik jáne kommýnıkatsııa mınıstrligi Kóliktik baqylaý komıtetiniń aýmaqtyq bólimsheleri 12- 27-shi shilde aralyǵynda jospardan tys jolaýshylar tasymalyn atqaratyn kemelerdi, ıaǵnı, olardyń paıdalaný qaýipsizdigi talaptaryn oryndaýǵa baılanysty tekserý jumystaryn júrgizdi,
dep habarlaıdy mınıstrliktiń baspasóz qyzmeti.
Osy shara boıynsha 69 keme tekserildi.
Nátıjesinde ot qaýipsizdigi erejelerin saqtamaý; tıisti qujatsyz kemeniń júzýge jiberilýi, onyń tehnıkalyq jaǵdaıynyń qujattardaǵy málimettermen salystyrǵanda sáıkes kelmeýimen qatar ekıpajdyń jabdyqtalýynsyz shyǵýy; tehnıkalyq baıqaýsyz nemese belgilengen tártipte tirkelmegen kúıinde kemeni júrgizý; kemeni júrgizý quqyǵy joq tulǵanyń júrgizýi; qaýip-qater dabylyna úıretý jumystarynyń júrgizilmeýi sııaqty zań buzýshylyqtar anyqtaldy.
Tekserý qorytyndysy boıynsha buzýshylyqtardy joıýǵa 28 uıǵarym berildi jáne toǵyz kemeni paıdalanýǵa tyıym salyndy.
Jospardan tys tekserýge deıingi tyıym salynǵan kemelerdi qosqanda qazirgi kezde tyıym salynǵan kemeler sany 34-ke jetti.
