Qazaqstan Respýblıkasy sot organdarynyń Baılanys ortalyǵy quryldy

Bul týraly Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamentinen (Joǵarǵy Sot apparaty)  habarlady. 

 Baılanys ortalyǵy  jurtshylyqtyń Qazaqstan Respýblıkasy sot organdarynyń quzyretine kiretin máseleler boıynsha Joǵarǵy Sot jáne Departamentke telefon arqyly habarlasýlaryn, ótinishterin qabyldaý men  óńdeýdi júzege asyratyn   jabdyqty-baǵdarlamalyq keshen.

Baılanys ortalyǵy:

1) Qazaqstan Respýblıkasy sot júıesi qyzmetiniń aqparattyq aıqyndyǵy men ashyqtyǵyn;

2) Qazaqstan Respýblıkasynyń sot organdary men halyq arasynda ózara baılanystyń tıimdi júıesin qurýdy;

3) sot isin júrgizýge qatysýshylar men múddeli tulǵalardyń qaralǵan ister boıynsha qabyldanǵan sot aktileri týraly, sotqa kelip túsken shaǵymdardy (ótinishterdi) jáne aryzdardy qaraý jáne sheshýdiń nátıjeleri men merzimderi týraly jedel jáne shynaıy aqparat alýyn qamtamasyz etý maqsatynda quryldy.

Jeke azamat, zańdy tulǵanyń ókili syrtqy telefon nómiri arqyly Qazaqstan Respýblıkasy sot organdarynyń Baılanys ortalyǵynyń  myna biryńǵaı nómirine habarlasa alady 8(7127) 747979.

Qyzmet kórsetý sapasyn jaqsartý maqsatynda operator men telefon shalýshynyń sózderi  jazylyp alynady.

Aldaǵy aqparat usynylatyn til anyqtalǵannan keıin Júıe azamatqa mynandaı tańdaý usynady:

1) sot aktilerin shaǵym berý máseleleri boıynsha anyqtamalyq aqparat alý;

2) «Senim telefony» qyzmetine sýdıalar men qyzmetkerlerdiń áreketterine  málimdeme/shaǵym qaldyrý;

3) Qazaqstan Respýblıkasy Joǵarǵy Soty men Departament basshylyǵynyń jeke qabyldaýyna jazylý (Júıe  jeke qabyldaýǵa jazylý avtomatty rejımde júrgiziletinin habarlaıdy, ol úshin azamat  aty-jónin, jeke málimetterin (qala, baılanys telefon nómirin), sot isi nemese tulǵanyń qabyldaýǵa júgingen basqa da máseleleri týraly málimetti habarlaýy qajet);

4) memlekettik satyp alýlarǵa qatysýǵa suraq qoıý;

5) oblystyq sottardyń quzyretindegi suraqtar boıynsha júginý (aımaqtaǵy baılanys telefonynyń nómiri usynylady).

Azamattardy barynsha aqparattandyrý, sybaılas jemqorlyq jaǵdaılaryna ıtermeleıtin sot isin júrgizýden tys qatynastardy, ahýaldardy boldyrmaý maqsatynda Baılanys ortalyǵy arqyly usynylatyn aqparattyń mynandaı kólemi men shegi qarastyrylǵan:      

1) qadaǵalaý tártibimen isti qaıta qaraý týraly ótinishtiń kelip túsken kúni týraly málimet;

2) isti talap etip aldyrý týraly málimet (ıá/joq, qajet jaǵdaıda ótinish berýshige is túskennen keıin aldyn ala tyńdaý ótetin kún týraly habarlanady);

3) sot tyńdaýy bolatyn  kún;

4) ótinishti qaraý nátıjesi;

5) isti qaraý nátıjesi;

6) sondaı-aq, sot jumysyn uıymdastyrý jáne sot otyrystaryn ótkizý tártibine qatysty basqa da málimetter, Qazaqstan Respýblıkasy Joǵarǵy Sotynyń saıtynda Sot isteri boıynsha anyqtamalyq arqyly sot aktilerimen tanysý múmkindigi týraly túsindirý jáne t.b.

Aldyn ala qaraýǵa túsken ótinishter boıynsha aqparat tek ótinish ıesi men   is boıynsha múddeli tulǵaǵa ǵana beriledi.

Jumystan tys ýaqytta operator jaýabynyń ornyna Júıe Baılanys ortalyǵy operatorynyń jumys kestesi týraly habarlamany jarııalaıdy. Bul rette Joǵarǵy Sot pen Departamenttiń basshylyǵyna jeke qabyldaýǵa jazylý avtomatty  túrde júrgiziledi.