Qazaqstan Respýblıkasy Prezıdentiniń kezekten tys saılaýynda kandıdattardy usyný aıaqtaldy

QR Ortalyq saılaý komıssııasy baspasóz qyzmetiniń málimetinshe, 2011 jylǵy 3 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý jónindegi negizgi is-sharalardyń kúntizbelik josparyna sáıkes, 2011 jylǵy 20 aqpan kúni kandıdattardy usyný aıaqtaldy.
Barlyǵy 22 kandıdat usynyldy. Olardyń 3-eýin - saıası partııalar, 1-eýin - qoǵamdyq birlestikter usynǵan, 18-i - ózin-ózi usyný tártibimen usynylǵandar. Usynylǵan kandıdattardyń 18-i - erler, 4-i - áıelder.

Ý.Á. Qaısarov, lıngvıstıkalyq komıssııanyń 2011j. 8 aqpandaǵy № 2 sheshimine sáıkes, memlekettik tildi erkin meńgermegen. QR OSK-nyń 2011 j. 9 aqpandaǵy № 18/28 qaýlysymen Prezıdenttikke kandıdat Ý.Á.Qaısarov Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zań qoıatyn talaptarǵa sáıkes kelmeıdi dep belgilendi. QR OSK-nyń 2011 j. 14 aqpandaǵy № 22/33 qaýlysymen Ý.Á. Qaısarovty Qazaqstan Respýblıkasy Prezıdenttigine kandıdat retinde tirkeýden bas tartyldy.

Z.J. Masına 2011 j. 15 aqpandaǵy ótinishi boıynsha óz kandıdatýrasyn alyp tastady.

A.H. Asylbek lıngvıstıkalyq komıssııanyń otyrysyna kelmeýine baılanysty onyń memlekettik tildi erkin meńgerýi bóliginde Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zań qoıatyn talaptarǵa sáıkes kelýi anyqtalmaýy sebepti QR OSK-nyń 2011 j. 21 aqpandaǵy № 28/44 qaýlysymen ony Qazaqstan Respýblıkasy Prezıdenttigine kandıdat retinde tirkeýden bas tartyldy.

Q.S. Esjanov, lıngvıstıkalyq komıssııanyń 2011 j. 15 aqpandaǵy № 7 sheshimine sáıkes, memlekettik tildi erkin meńgermegen. QR OSK-nyń 2011 j. 16 aqpandaǵy № 23/34 qaýlysymen Q.S. Esjanov Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zań qoıatyn talaptarǵa sáıkes kelmeıdi dep belgilendi jáne Qazaqstan Respýblıkasy Prezıdenttigine kandıdat retinde tirkeýden bas tartyldy.

S.K. Nursıla, lıngvıstıkalyq komıssııanyń 2011 j. 17 aqpandaǵy № 10 sheshimine sáıkes, memlekettik tildi erkin meńgergen. Alaıda sol kúni ótinishi boıynsha óz kandıdatýrasyn alyp tastady.

T.N. Baımýrzın lıngvıstıkalyq komıssııanyń 2011 j. 18 aqpandaǵy № 11 sheshimine sáıkes, memlekettik tildi erkin meńgermegen. QR OSK-nyń 2011 j. 19 aqpandaǵy № 26/38 qaýlysymen onyń Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zań qoıatyn talaptarǵa sáıkes kelmeıtini belgilendi jáne Qazaqstan Respýblıkasy Prezıdenttigine kandıdat retinde tirkeýden bas tartyldy.

M.T. Qaramaeva lıngvıstıkalyq komıssııanyń 2011 j.19 aqpandaǵy № 14 sheshimine sáıkes, memlekettik tildi erkin meńgermegen. QR OSK-nyń 2011 j. 20 aqpandaǵy № 27/41 qaýlysymen onyń Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zań qoıatyn talaptarǵa sáıkes kelmeıtini belgilendi jáne Qazaqstan Respýblıkasy Prezıdenttigine kandıdat retinde tirkeýden bas tartyldy.

A.O. Qunanbaev lıngvıstıkalyq komıssııanyń 2011 j.20 aqpandaǵy № 15 sheshimine sáıkes, memlekettik tildi erkin meńgermegen. QR OSK-nyń 2011 j. 21 aqpandaǵy № 28/42 qaýlysymen onyń Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zań qoıatyn talaptarǵa sáıkes kelmeıtini belgilendi jáne Qazaqstan Respýblıkasy Prezıdenttigine kandıdat retinde tirkeýden bas tartyldy.

Qazaqstan Respýblıkasy Prezıdenttigine usynylǵan 14 kandıdat qaldy.
Konstıtýtsııa men saılaý týraly zań qoıatyn talaptarǵa sáıkestigi anyqtalǵan barlyq kandıdattarǵa Ortsaılaýkom olardyń kandıdatýralaryn qoldap azamattardyń qoldaryn jınaý úshin qol qoıý paraqtaryn berdi.

Bir kandıdat tirkeldi.
Qazaqstan Respýblıkasy Prezıdenttigine kandıdattardy tirkeý 2011 jylǵy 2 naýryzda aıaqtalady.