Qazaqstan Respýblıkasy Prezıdenti janyndaǵy Sybaılas jemqorlyqqa qarsy kúres máseleleri jónindegi komıssııanyń májilisi bolyp ótti
TANA. 23 qarasha. QazAqparat. Búgin Aqordada Qazaqstan Respýblıkasynyń Memlekettik hatshysy Qanat Saýdabaevtyń tóraǵalyq etýimen Qazaqstan Respýblıkasy Prezıdenti janyndaǵy Sybaılas jemqorlyqqa qarsy kúres máseleleri jónindegi komıssııanyń májilisi bolyp ótti, dep habarlaıdy QR Prezıdetiniń baspasóz qyzmeti.
Komıssııa otyrysyn ashqan Q. Saýdabaev: «Bizdiń elimiz Táýelsizdigimizdiń 20 jyldyǵyn áleýmettik-ekonomıkalyq, qoǵamdyq-saıası jáne mádenı-gýmanıtarlyq damý barysyndaǵy tamasha jetistiktermen qarsy alyp otyr. Azamattardyń quqyqtary, zańnyń pármendiligi jáne tártip máselesi turaqty ári júıeli túrde qamtamasyz etiledi. Memleket basshysynyń nusqaýyna sáıkes sybaılas jemqorlyqqa qarsy júıeli kúres júrgizilýde, memlekettik satyp alýdyń zańdylyqtaryn saqtap, onyń aıqyndylyǵyn qamtamasyz etý bul saladaǵy mańyzdy baǵyttardyń biri bolyp sanalady. Osyǵan baılanysty bul másele búgingi májilistiń kún tártibine engizilip otyr», - dep atap ótti.
Komıssııa májilisinde QR Bas prokýrory A.Daýylbaevtyń, Ekonomıkalyq jáne sybaılas jemqorlyqpen kúres agenttiginiń tóraǵasy Q.Qojamjarovtyń jáne Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy O.Óksikbaevtyń esepteri tyńdaldy.
