Qazaqstan Respýblıkasy Premer-Lıgasynyń 17-týry oıynynyń qorytyndysy
ASTANA. QazAqparat - Qazaqstan Respýblıkasy Premer-Lıgasynyń fýtboldan 17-týry matchynda «Astana» men pavlodardyq «Ertis» teń túsip, almatylyq Qaırat «Aqtóbeni» jeńdi, kókshetaýlyq «Oqjetpes» shymkenttik «Ordabasymen» upaı sanyn bólisti, dep habarlady sports.kz.
Premer-Lıga 17-shi týr, 19 maýsym
«Astana» - «Ertis» 1:1 (0:0)
Goldar: Nóserbaev 51 (1:0), Kerla 69 (1:1)
Astanada oıyn tartysty ótti. Pavlodarlyq Ertis jaqsy qarsylas bola bildi, nátıjesinde oıyn teń aıaqtaldy. Birinshi taımda fýtbolshylar kórermenderdi gol soǵyp qýanta almady, ekinshi taımda Tańat Nóserbaev pen Semır Kerla múmkindikti teńestire aldy, budan keıin komandalar gol soǵa almady.
«Shahter» - «Aqjaıyq» 3:1 (2:0)
Goldar: Vasılevıch 27 (1:0), Ýbbınk 45 (2:0), Ýbbınk 86 (3:0), Lechıch 90 (3:1)
Qaraǵandylyq «Shahter» almatylyq «Qaırattan» óz alańynda jeńilgeni úshin óz jankúıerlerinen keshirim surady. Oraldyq «Aqjaıyqpen» qarsy aıqasta olar úsh goll soqty. Birinshi goldy óz esebine bosnııalyq qorǵaýshy Nıkola Vasılevıch jazdy. Taım sońyna qaraı Desleı Ýbbnık tabysty bekite tústi. Gollandııalyq úzilisten keıin dýbl resimdep, qarsylasyn jeńýge jol ashty, alaıda Mıroslav Lechıchtiń aıyp soqqysy buǵan jol bermedi.
«Jetisý» - «Tobyl» 0:1 (0:0)
Gol: Shımkovıch penaltıden 90 (0:1)
Altynshy orynǵa úmitker komandalardyń kezdesýi Taldyqorǵanda ótti. Ońtaıly sátter az boldy. Barlyǵyn ekinshi kezeń mınýtynda pavlodarlyq referı Igor Aleshınniń alań ıeleriniń qaqapasyna soqqan penaltıi sheshti. Ony Tomash Shımkovıch oıdaǵydaı júzege asyrdy.
«Ordabasy» - «Oqjetpes» 2:2 (2:0)
Goldar: Dıakate 29 (1:0), Sýıýmbaev 35 (2:0), Býleshev 54 (2:1), ıÝrın 64 (2:2)
kókshetaýlyq «Oqjetpesti» qabyldaǵan «Ordabasy» úmitti aqtady. Alań ıeleri birinshi taımda qonaqtardyń qaqapasyna birden eki gol soqty, olar Abdýlaıe Dıakate men Ǵafýrjan Súıimbaev. Oıyn aıaqtalǵandaı kórindi, alaıda Vladımır Mýhanov qapysyn taýyp, kókshetaýlyqtar «Ordabasymen» teńesti. Oǵan Álibek Bóleshov pen Igor ıÝrınniń soqqysy járdemdesti, teń oıyn qyzyqty sıýjette órbidi.
«Atyraý» - «Taraz» 1:0 (0:0)
Gol: Damchevskı 57 (1:0)
Júzege asyrylmaǵan penaltı: Mane 45 (qaqpashy)
«Taraz» fýtbolshylarynyń qonaqtardan ereksheligi oıynnyń birinshi jartysynda oryn aldy. Alaıda on bir metrlikte Malık Mane Jasýr Narzyqulovty uta almady. Aleksandr Damchevskı «munaıshylardyń» qutqarýshysy boldy dese bolady. Ol «qanjyǵaǵa» úsh upaı salyp, mańyzdy goldy sol soqty. Sonyń arqasynda «Atyraý» - altynshy orynda.
«Aqtóbe» - «Qaırat» 2:6 (1:4)
Goldar: Tesak 4 (0:1), Islamhan 17 (0:2), Goý 25 (0:3), Arshavın 38 (0:4), Shestakov 43 (1:4), penaltımen Jalmuqan 65 (2:4), Goý 67 (2:5), Isael 76 (2:6)
Birinshi taımda Stanıslav Pavlovtyń (Aqtóbe) qaqpasyna tórt gol soǵyldy. Sodan keıin ǵana alań ıeleri eńse kóterdi, úzilisten keıin «Aqtóbe» óziniń súıikti tásili - daýly penaltıdi soqty. Bul olardy «masqara» bolýdan saqtap qaldy, jeńis qaırattyqtardyń enshisine buıyrdy.
