Qazaqstan Respýblıkasy Parlamentiniń 15 jyldyǵyna arnalǵan saltanatty jınalys ótti
ASTANA. 31 qańtar. QazAqparat - Búgin elimizdiń joǵarǵy ókiletti organynyń birlesken otyrys zalynda Qazaqstan Respýblıkasy Parlamentiniń 15 jyldyǵyna arnalǵan saltanatty jınalys ótti.
QR Parlamenti Senatynyń Tóraǵasy Qasym-Jomart Toqaev saltanatty sharany ashqannan keıin Qazaqstan Respýblıkasynyń Memlekettik Ánurany shyrqaldy.
Saltanatty jınalysta Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń quttyqtaý sózin Senat Tóraǵasy Q. Toqaev oqyp berdi.
Qos Palataly Parlamenttiń qalyptasýy men damýy týraly Májilis Tóraǵasy Oral Muhamedjanov baıandama jasady.
Saltanatty jınalysqa Parlamenttiń eki Palatasynyń depýtattary, memlekettik bılik organdarynyń, saıası partııalardyń, dıplomatııalyq korpýstardyń, qoǵamdyq birlestikterdiń, dinı konfessııalardyń, úkimettik emes uıymdardyń, buqaralyq aqparat quraldarynyń ókilderi qatysty.
