Qazaqstan Respýblıkasy Nepal úkimeti men halqyna kóńil aıtty - SІM
ASTANA. QazAqparat - Qazaqstan Syrtqy ister mınıstrliginiń Erekshe tapsyrmalar jónindegi Elshisi men Resmı ókili Altaı Ábıbýllaev túsinikteme jasady, dep habarlaıdy QR SІM baspasóz qyzmetinen.
«Sońǵy ýaqytta birqatar joıqyn jer dúmpýi saldarynan myńdaǵan adamdardyń qaza taýyp, jaraqattanýyna baılanysty Qazaqstan Nepal úkimeti men halqyna óziniń qaıǵyly kóńilin bildiredi.
Búkil álemniń Nepal halqyna degen shynaıy kóńili men qoldaý lebizine tolyǵymen qosylamyz. Nepal men Reseı Federatsııasy úkimetterine apat aımaǵyndaǵy Qazaqstan azamattaryna kórsetken qolǵabysy men elden evakýatsııalaýdaǵy kómek-járdemderine alǵysymyzdy bildiremiz. Sonymen qatar, Nepaldaǵy zil-zalanyń saldarynan qalyptasqan aýyr ahýaldy eńserý maqsatynda Qazaqstan jaqyn arada eleýli kómek kórsetetindigin habarlaımyz», - dep jazylǵan habarlamada.
