«Qazaqstan Respýblıkasy Qarýly Kúshteriniń, basqa da áskerleri men áskerı qurylymdarynyń jalpyáskerı jarǵylaryn bekitý týraly» Elbasy Jarlyǵyna ózgerister engizildi

QazAqparat qujattyń mátinin taratady.

Qazaqstan Respýblıkasy Prezıdentiniń Jarlyǵy

«Qazaqstan Respýblıkasy Qarýly Kúshteriniń, basqa da áskerleri men áskerı qurylymdarynyń jalpyáskerı jarǵylaryn bekitý týraly» Qazaqstan Respýblıkasy Prezıdentiniń 2007 jylǵy 5 shildedegi №364 Jarlyǵyna ózgerister engizý týraly

Qaýly etemin:

1. «Qazaqstan Respýblıkasy Qarýly Kúshteri­niń, basqa da áskerleri men áskerı quralym­dary­nyń jalpy ás­kerı jarǵylaryn bekitý týraly» Qazaqstan Res­pýb­lıkasy Prezıdentiniń 2007 jylǵy 5 shildedegi №364 Jarlyǵyna (Qazaqstan Res­pýblıkasy PÚAJ-y, 2009 j., №24-25, 207-qujat) mynadaı ózgerister engizilsin:

2-tarmaq mynadaı redaktsııada jazylsyn:

«2. Qazaqstan Respýblıkasy Qorǵanys mınıstrligi, Qa­zaqstan Respýblıkasy Іshki ister mınıstrligi, Qa­zaq­stan Respýblıkasy Tótenshe jaǵdaılar mınıstrligi, Qazaqstan Respýblıkasy Ulttyq qaýipsizdik komıteti, Respýblıkalyq ulan, Bas prokýratýra baǵynysyndaǵy áskerler men áskerı quralymdardyń kúndelikti qyzmetin josparlaý jáne  uıymdastyrý kezinde Qazaqstan Respýb­lı­kasy Qarýly Kúshteriniń, basqa da áskerleri men ás­kerı quralymdarynyń jalpy áskerı jarǵylaryn basshylyqqa alsyn.»;

joǵaryda atalǵan Jarlyqpen bekitilgen Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń tártiptik jarǵysynda:

28 jáne 29-tarmaqtar mynadaı redaktsııada jazylsyn:

«28. Qorǵanys mınıstriniń, Ulttyq qaýipsizdik komıteti Tóraǵasynyń, Tótenshe jaǵdaılar mı­nıstri­niń, respýblıkalyq Ulan qolbasshysynyń, Qazaqstan Res­pýb­lıkasy Ulttyq qaýipsizdik komıteti Shekara qyzmeti dırektorynyń, Іshki áskerler qolbasshysynyń, Bas áskerı prokýrordyń oryn­ba­sarlary ózderine baǵynysty áskerı qyzmetshilerge qatysty Qarýly Kúshter túri bas qolbasshysynyń quqyqtaryn paıdalanady.

29. Qazaqstan Respýblıkasynyń Qorǵanys mınıstri, Ulttyq qaýipsizdik komıtetiniń Tóraǵasy, respýblıkalyq Ulannyń qolbasshysy, Qazaqstan Respýblıkasy Іshki ister mınıstri, Qazaqstan Respýblıkasy Tótenshe jaǵdaılar mınıstri jáne Qazaqstan Respýblıkasynyń Bas áskerı prokýrory ózderine baǵynysty áskerı qyzmetshilerge qatysty osy Jarǵydaǵy tártiptik quqyqtardy tolyq kólemde paıdalanady.».

2. Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Prezıdenti N.NAZARBAEV.

Astana, Aqorda, 2012 jylǵy 7 mamyr