Qazaqstan Respýblıkasy fılologtarynyń І sezi ótedi
ASTANA. 15 mamyr. QazAqparat - QR Bilim jáne ǵylym mınıstrligi 16-17 mamyrda Astanada Qazaqstan Respýblıkasy fılologtarynyń І sezin ótkizedi. Tuńǵysh ret otandyq fılologııa tarıhynda pedagogtar, oqytýshylar, ǵalymdar, sarapshylar jınalyp, Qazaqstandaǵy fılologııalyq bilim berý máselelerin talqylaıtyn bolady. Bul týraly QR BǴM baspasóz qyzmetinen habarlandy.
Qazaqstan Respýblıkasy muǵalim-fılologtardyń Sezin ótkizý tildik jáne ádebı bilim berýdiń qazirgi jaı-kúıin zerdeleýge, qazirgi pedagogıkalyq amaldar men oqýshylardyń bilim alýdaǵy qajettilikterine sáıkes ony jetildirýdiń tetikterin anyqtaýǵa baǵyttalǵan.
Bul jıynda qazirgi qoǵamda fılologııalyq bilim berýdiń ózekti máseleleri, qazaqstandyq bilim berýdi jańǵyrtýdyń konteksindegi til men ádebıetti oqytýdyń basym mindetterin belgileý, bilim berý uıymdarynda memlekettik tildi oqytýdyń mazmuny men formasyn jetildirýdiń máselelerin qarastyrý kózdelgen.
Sonymen qatar onda fılolog-muǵalimderdiń, jańashyl-muǵalimderdiń tájirıbelerin nasıhattaý, kóptildi bilim berý sheńberinde jańa býyn muǵalimderin daıarlaý máselelerin talqylaý, Qazaqstan Respýblıkasynda til men ádebıetti oqytýdyń sapasyn arttyrý joldaryn anyqtaý turǵysynda usynystar engizilmek.
Sezge fılolog-muǵalimder, ǵalymdar, bilim men ǵylymnyń jetekshi qaıratkerleri, bilim berýdiń ártúrli deńgeılerindegi jańashyl-pedagogtar, bilim berýdi basqarý, tilderdi damytý organdarynyń, kitaphanalyq júıeniń jetekshileri men qyzmetkerleri, QR BǴM-ǵa vedomstvolyq baǵynysty uıymdardyń, oqý oryndarynyń, «Órleý BAUO» AQ fılıaldarynyń ókilderi qatysady.
