Qazaqstan Respýblıkasy Bas Prokýratýrasynda Jeńistiń 65 jyldyǵy men Otan qorǵaýshylar kúnine arnalǵan saltanatty jınalys bolyp ótti

ASTANA. Mamyrdyń 6-y. QazAqparat - Qazaqstan Respýblıkasynyń Bas Prokýratýrasynda Jeńistiń 65 jyldyǵy men Otan qorǵaýshylar kúnine arnalǵan saltanatty jınalys bolyp ótti.

Bas Prokýror Qaırat Mámıdiń shaqyrýymen saltanatty sharalarǵa qatysý úshin eldiń barlyq aımaqtarynan soǵysqa qatysqan prokýratýra organynyń qyzmetkerleri Astanaǵa keldi, dep habarlaıdy Bas prokýratýranyń baspasóz qyzmeti.

Jeńis Kúnin toılaý aıasynda ardagerlerdiń janqııarlyq eńbekteri jáne prokýratýra qyzmetkerleriniń batyrlyqtaryn dáleldeıtin tarıhı eksponattar men qujattarǵa toly Bas prokýratýra murajaıynyń ashylýy boldy.

Jeńistiń 65 jyldyǵy qurmetine Bas prokýratýra basshylyǵy barlyq soǵys ardagerlerine, olarǵa teńestirilgen tulǵalar men tyl eńbekkerlerine baǵaly syılyqtar tabys etti.

Uly Otan soǵysynyń eki ardageri - prokýratýra qyzmetkerleri I. Gapıch pen S.Dúısenov Máskeýde ótetin saltanatty sherýge shaqyrylǵanyn aıta ketken jón.