Qazaqstan Respýblıkasy men Túrkııa Respýblıkasy arasynda Birlesken deklaratsııa qabyldandy
ANKARA. KAZINFORM – Qasym-Jomart Toqaev pen Rejep Taııp Erdoǵan júrgizgen kelissózderiniń nátıjesinde, Joǵary deńgeıdegi strategııalyq yntymaqtastyq keńesi besinshi otyrysynyń qorytyndysy boıynsha, sondaı-aq Qazaqstan Respýblıkasy men Túrkııa Respýblıkasy arasyndaǵy Joǵary deńgeıdegi strategııalyq yntymaqtastyq keńesi besinshi otyrysynyń sheshimin jáne Qazaqstan Respýblıkasy men Túrkııa Respýblıkasy arasynda Birlesken deklaratsııa qabyldandy.
Memleket basshysynyń Ankaraǵa resmı saparynyń aıasynda 18 úkimetaralyq jáne vedomstvoaralyq qujatqa qol qoıyldy.
Eske sala keteıik, buǵan deıin Qazaqstan-Túrkııa Joǵary deńgeıdegi strategııalyq yntymaqtastyq keńesiniń 5-shi otyrysy ótkenin jazǵan edik.
Sondaı-aq atalǵan jıynda Memleket basshysy Qasym-Jomart Toqaev elimiz senimdi seriktes retinde túrik ınvestorlaryn qoldaýǵa árqashan daıyn ekenin aıtty.
Odan bólek Qazaqstan-Túrkııa Joǵary deńgeıdegi strategııalyq yntymaqtastyq keńesiniń 5-shi otyrysynda týrızm salasyndaǵy oń úrdisti qoldaý, san qyrly ekijaqty baılanystardy ilgeriletý úshin Túrkııa azamattaryna Qazaqstan aýmaǵynda 90 kúnge deıin vızasyz júrýge ruqsat berý týraly sheshim qabyldandy.