«Qazaqstan» Respýblıkalyq teleradıokorporatsııasy tarıhı taqyryptaǵy teleserıal stsenarııine baıqaý jarııalady

Baıqaýdyń maqsaty - qazaq halqynyń tarıhyn kórermen qaýym nazaryna jańasha, qarapaıym da uǵynyqty tilmen usyný arqyly ultymyzdyń sheksiz shejiresin jańa qyrynan ashyp, keńinen nasıhattaý. Elim dep eńirep ótken erlerdiń eren isterin sıpattaý arqyly ótkenimiz ben búginimiz arasyndaǵy baılanys tamyryn tarmaqtap, halqymyzdyń boıynda otansúıgishtik, óz eliniń tarıhy úshin maqtanysh sezimin nyǵaıtý.

Baıqaýǵa qazaq tilindegi qoljazbalar qabyldanady. Usynylǵan stsenarıı jobalary taqyryptyń aıǵaqtylyǵy jáne ony ashý tereńdigi, dáldigi jáne qonymdylyǵy jaǵynan qoıylatyn talaptarǵa sáıkes bolýy tıis.

Stsenarıı jobalaryn qabyldaý 2012 jylǵy 5 naýryzǵa deıin jalǵasady. Baıqaý qorytyndysy 16 naýryzǵa  deıin jarııalanady.

Baıqaý jeńimpazdary Korporatsııanyń basqarma tóraǵasy bekitken kórkemdik baıqaý keńesiniń sheshimimen anyqtalady. Ótinimder jáne baıqaý jumystary   010000, Astana q., Máskeý k-si, 37  meken-jaıynda qabyldanady.  Elektrondy poshta: rtrk@astana.kazakstan.kz