Qazaqstan Reseımen qarym-qatynasty baǵalaıdy
MÁSKEÝ. QazAqparat - Búgin Máskeýde QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń músheleri men RF Federaldyq Jınalysy Federatsııa Keńesiniń halyqaralyq ister, qorǵanys jáne qaýipsizdik jónindegi komıtetteriniń músheleri ekijaqty yntymaqtastyqty damytýdy, halyqaralyq jáne óńirlik qaýipsizdiktiń ózekti máselelerin, sondaı-aq halyqaralyq parlamenttik uıymdar aıasyndaǵy jumystardy úılestirý men ózara áriptestik máselelerin talqylady.
«Qazaqstan elderimiz arasyndaǵy yntymaqtastyqqa erekshe nazar aýdaryp keledi. Bıyl QR men RF arasyndaǵy dıplomatııalyq qarym-qatynastarǵa 26 jyl tolyp otyr. Búgingi tańda Qazaqstan men Reseı qarym-qatynastary turaqty strategııalyq áriptestik sıpatyn aldy. Elder halyqaralyq beıbitshilikti nyǵaıtý, Eýrazııa keńistigindegi qaýipsizdik pen turaqtylyqty saqtaý jónindegi asa aýqymdy máselelerdi sheshýde senimdi odaqtas bolyp tabylady. Elderimiz kóp jaǵynan óńirdegi turaqtylyqty qamtamasyz etip otyr desek artyq aıtqandyq bolmas», - deıdi QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva.
Ol elder arasynda 200-den astam kelisimder men sharttardan turatyn aýqymdy kelisimsharttyq-quqyqtyq baza qalyptasqanyn tilge tıek etti.
Komıtet basshysynyń sózine qaraǵanda, TMD Parlamentaralyq assambleıasy, UQShU Parlamenttik assambleıasy, Parlamentaralyq odaq aıasyndaǵy jáne ekijaqty negizdegi parlamenttik baılanystar Qazaqstan-Reseı saıası yntymaqtastyǵynyń quramdas bóligi bolyp tabylady. Sońǵy 10 jylda Parlament ratıfıkatsııalaǵan QR jáne RF arasyndaǵy 50-den astam kelisim elderdiń ekonomıkalyq ıntegratsııasyn jandandyra tústi.
Qazaqstan delegatsııasynyń basshysy Qazaqstan men Reseı BUU, EQYU, ShYU, taǵy basqa halyqaralyq uıymdar aıasynda da belsendi yntymaqtastyq etip kele jatqanyn atap ótti.
«Qazaqstan BUU-daǵy músheligin Ortalyq Azııa óńirindegi turaqtylyq pen qaýipsizdikti nyǵaıtý maqsatyna paıdalanýǵa, sondaı-aq Aýǵanstandaǵy jaǵdaıdy retteýge erekshe mán berýge nıetti. Qazaqstan Memleket basshysynyń ıadrolyq qarýdy taratpaý, lańkestik pen ekstremızmge qarsy kúreste «Álem. 21-ǵasyr» Manıfesinde aıtylǵan halyqaralyq bastamalaryn alǵa tartady. Ol Qazaqstannyń BUU Qaýipsizdik Keńesindegi kún tártibiniń quramdas bóligi sanalady», - dedi D. Nazarbaeva.
Óz kezeginde RF FK tóraǵasynyń orynbasary Ilıas Ýmahanov Qazaqstan delegatsııasynyń sapary júıeli strategııalyq áriptestiktiń kórinisi, Qazaqstan men Reseı arasyndaǵy memleketaralyq qatynastardyń tabysty júzege asyrylyp otyrǵan standarty ekenin aıtty.
«Bul parlamentaralyq ózara yntymaqtastyqqa da tıisti. Búgingi kezdesý - jańa forma, jańa tájirıbe ári praktıka», - dedi ol.
