Qazaqstan Reseımen birlesken temirjol kásipornyn qurmaqshy

ASTANA. KAZINFORM – Qazaqstan Reseımen, Iranmen jáne Túrikmenstanmen birlesken temirjol kásipornyn qurmaqshy.

Bul týraly Kólik mınıstri Marat Qarabaev Úkimet otyrysynda málim etti.

«Temirjol salasynyń damýyna qatysty sharalar Qazaqstannyń tranzıttik dálizderin damytýmen ushtastyrylǵan. Qazirgi tańda «Soltústik-Ońtústik» jáne «Transkaspıı» tranzıttik dálizderiniń qabiletin arttyrý jumystary qarqyndy júrgizilýde.

Álemdegi dástúrli qalyptasqan logıstıkalyq baǵyttardyń ózgerýine baılanysty Soltústik-Ońtústik dáliziniń mańyzdylyǵy kúnnen kúnge artyp keledi», - dedi M.Qarabaev.

Mınıstrdiń sózinshe bul dálizdiń júk tasymaldaý áleýeti jylyna 10 mln tonnaǵa jetken.

«Dálizdiń áleýetin eskere otyryp, onyń ótkizý múmkindigin 20 mln tonnaǵa deıin jetkizýdi josparlap otyrmyz. Ol úshin bıyl shilde aıynda Iran, Túrkmenstan jáne Reseımen atalǵan dálizdi sınhrondy damytýǵa baǵyttalǵan Jol kartasyna qol qoıyldy.

Osy baǵyttaǵy tranzıttik tasymaldarǵa 50% kóleminde arnaıy tarıftik jeńildikter ornatyldy.

Odan basqa, Soltústik-Ońtústik dáliziniń shyǵys baǵytynda Birikken kólik-logıstıkalyq kompanııasynyń úlgisi boıynsha Birińǵaı logıstıkalyq operator qurý jumystary júrgizilip jatyr.

Qazaqstan men Reseı atalmysh birlesken kásiporyn qurý úshin daıyndyq jumystaryn aıaqtady. Túrikmen tarapynan osy jobaǵa qatysý máselesi boıynsha sheshim kútilýde», - dedi vedomstvo basshysy.