Qazaqstan reseılik týrısterdi qalaı qyzyqtyrmaq
ASTANA. QazAqparat - Elimiz Reseıde ótip jatqan MITT -2019 Máskeý halyqaralyq týrıstik kórmesine qatysýda, dep habarlaıdy QazAqparat «Kazakh Tourism» ulttyq kompanııasyna silteme jasap.
«Reseılik týrıster úshin demalý ornyn tańdaýda eń bastysy baratyn orynnyń qaýipsizdigi ári tanymal bolýy mańyzdy degen pikir qalyptasqan. Desekte, keıingi jyldardaǵy tendentsııalarǵa saı, týrıster úshin tájirıbe, áserler men emotsııalar da mańyzdy. ıAǵnı «travel experiences» demalatyn jerdi tańdaýda sheshýshi faktor bolyp tabylady», - delingen habarlamada.
«Kazakh Tourism»-niń málimetine súıensek, atalǵan kórmede reseılikterge elimizdiń atynan jańa emotsııa men erekshe áser beretin qyzyqty týrıstik ónimdermen qatar, belsendi demalysqa arnalǵan jańa baǵyttaǵy jobalar tanystyrylady.
«Geografııalyq jaqyndyqty, damyǵan kóliktik logıstıkany, tarıhı baılanystar men basqa da faktorlardy eskersek, Reseı Qazaqstannyń týrızmi úshin eń basty týrıstik naryqtardyń biri ekeni anyq. Qazirgi kezde ózimizdegi bar usynystardan bólek, reseılik týrısterge belsendi demalys túrlerin usyný boıynsha jumys júrgizýdemiz. ıAǵnı, bizdiń mindetimiz - elimizge basqa maqsattarmen kelgen adamdardy belsendi demalys túrleri arqyly qyzyqtyrý. Sol arqyly Qazaqstanda taǵy birneshe kúnge qaldyrýǵa bolady», - dedi «Kazakh Tourism» UK» AQ basqarma tóraǵasynyń orynbasary Qaırat Sadýaqasov.
MITT kórmesindegi Qazaqstan pavılony bıylda ótken jyldaǵydaı «Adventure» taqyrybynda jasaldy. Sondaı-aq, osy joly eko jáne belsendi týrızmnen bólek, gastronomııa jáne etnofýd taqyryby da usynyldy.
Aıta ketsek, QR Ulttyq ekonomıka mınıstrliginiń Statıstıka komıtetiniń málimeti boıynsha, ótken jyly Reseıden elimizge 1,74 mln adam kelgen, bul 2017 jylmen salystyrǵanda 1,7%-ǵa artyq.
