Qazaqstan reseılik týrıster jıi baratyn elderdiń qataryna kirdi
ASTANA. QazAqparat - 2018 jyldyń alǵashqy qorytyndysy boıynsha, Qazaqstan reseılik týrıster jıi saparlaıtyn elderdiń alǵashqy bestigine kirdi. Bul týraly QazAqparat TýrSat agenttigine silteme jasap habarlaıdy.
Agenttik málimetterine súıensek, Qazaqstanǵa saıahattaıtyn reseılikterdiń sany 1% artyp, 1 mln 287 myńǵa jetken.
2018 jyldyń alǵashqy alty aıynda shetelge saıahattaıtyn reseılikterdiń sany ótken jylmen salystyrǵanda 9% ósip, 18,6 mln-dy quraǵan.
Reseılik týrıster arasynda tanymal on eldiń tizimi:
1. Túrkııa, 2 mln 281 myń (+40%)
2. Abhazııa, 1 mln 751 myń (+5%)
3. Fınlıandııa, 1 mln 559 myń (+1%)
4. Qazaqstan, 1 mln 287 myń (+1%)
5. Ýkraına, 1 mln 074 myń (+8%)
6. Qytaı, 908 myń (-4%)
7. Estonııa, 858 myń (+5%)
8. Taıland, 679 myń (+18%)
9. Germanııa, 591 myń (+4%)
10. BAÁ, 545 myń (+52%)
