Qazaqstan reseılik týrıster úshin tanymal 5 eldiń qatarynda tur
ASTANA. QazAqparat - TýrStat agenttigi Reseıdegi 2017 jyldyń 6 aıyndaǵy saparlaý týrızmniń statıstıkasyna saraptama jasady, dep habarlaıdy turstat.com.
TýrStat málimetteri boıynsha, Reseıden Qazaqstanǵa saparlaý týrızmi 2017 jyldyń 6 aıynda 1 mln 275 myńǵa jetip, Reseıden syrtqa sapar shegetin týrısterdiń jalpy sanynyń 8 paıyzyn qurady.
Abhazııa (1,668 myń ret sapar shekken), Túrkııa (1,632 myń), Fınlıandııa (1,540 myń), Qazaqstan (1,275 myń), Ýkraına (999 myń), Qytaı (947 myń), Estonııa (817 myń), Polsha (589 myń), Taıland (576 myń) jáne Germanııa (570 myń) 2017 jyldyń 6 aıynda reseılik týrıster eń kóp kelgen elderdiń qatarynda tur.
Reseılikter úshin jaǵajaı men kýrorttyq baǵyttaǵy demalys oryndarynyń qatarynda 2017 jylǵy kórsetkishter boıynsha Túrkııa, Taıland, Italııa, Ispanııa, Grýzııa, BAÁ, Kıpr, Gretsııa jáne Vetnam tur.
2017 jyly reseılikter úshin eń tanymal elder:
1. Abhazııa, 1,668 myń. (+8%)
2. Túrkııa, 1,632 myń. (+871%)
3. Fınlıandııa, 1,540 myń. (+22%)
4. Qazaqstan, 1,275 myń. (+2%)
5. Ýkraına, 999 myń. (+22%)
6. Qytaı, 947 myń. (+33%)
7. Estonııa, 817 myń. (+17%)
8. Polsha, 589 myń. (+1%)
9. Taıland, 576 myń. (+31%)
10. Germanııa, 570 myń. (+22%)
