Qazaqstan Reseıge Edil sýyn birlesip retteý týraly usynys jasamaqshy

ASTANA. KAZINFORM – Sý resýrstary jáne ırrıgatsııa mınıstriniń birinshi orynbasary Bolat Beknııaz ortalyq kommýnıkatsııalar qyzmetinde ótken baspasóz máslıhatynda Reseıge Kaspııdi qorǵaý boıynsha jańa usynyspen shyǵatyndaryn aıtty.

- Ókinishke qaraı, Edil ózeni transshekaralyq ózenge jatpaıdy. Biz tek Jaıyq jáne basqa ózender boıynsha ǵana Reseımen kelisimsharttar, arnaıy jumys toptary bar. Edilge kelsek, Kaspıı sýynyń 80 paıyzyn berip otyrǵany shyn. Biz Reseı tarapyna usynyspen shyǵaıyq dep otyrmyz. Edil ózeni boıynsha birikken jumys tobyn quryp, ári qaraı sol jumys toby arqyly jumysty jalǵastyramyz, - dedi ol.

Vıtse-mınıstr atalǵan usynysty jyldyń úshinshi jartysyna deıin ázirleıtinderin aıtady.

- Bul másele boıynsha arada kelisimsharttardy bastaý úshin zańnamalyq quqyq kerek. Osy jyldyń úshinshi toqsanynda Reseımen birikken jumys tobynyń otyrysy bolady. Usynysty sol kezde aıtamyz da, solardyń sheshimin kútemiz, - dedi Bolat Beknııaz.

Al Aqtaýlyq geolog Qosarbaı Qojahmettiń sózinshe, Kaspıı sýy tabıǵı terbelis boıynsha 50 jyl joǵarylap, 50 jyl keri ketedi.