Qazaqstan Reseıden keletin munaı ónimderine shekteýdi alyp tastaıdy
«ıAǵnı, endi Reseıden munaı tasymaldaý qyzmeti barlyq qatysýshylar úshin ashyq. Eske sala keteıik, biz kóktemde shekteýdi engizip, oǵan ruqsatty tek «QazMunaıGaz» ulttyq kompanııasyna bergen bolatynbyz. Bul shara negizinen Reseıden ákelinetin munaı ónimderiniń kúrt óskenine qatysty bolatyn. Jalpy, bizde ózara kelisimsharttarǵa qol qoıylyp, ındekatıvtik balans bekitilgen, onda bizdiń bir jylǵa baj salyǵynsyz ákele alatyn munaı ónimderiniń mólsheri kórsetilgen», - dedi mınıstr.
Onyń aıtýynsha, aǵymdaǵy jyldyń birinshi toqsanynda Reseıden tasymaldanǵan munaı artyǵymen oryndaldy. Soǵan oraı, kóktemde bir ǵana operator taǵaıyndalyp, reseılik munaıdy jetkizýmen sol ǵana aınalysyp kelgen edi. «Jarty jyl ishinde biz ózimiz mejelengen mólsherdi jetkizip aldyq. Endi esh alańdamastan shekteýdi ashyp, kez kelgen uıymǵa tasymaldaý múmkindigin de berip otyrmyz», - dedi U. Qarabalın.
Osyǵan oraı, mınıstr Qazaqstan jaǵy shekteýdi alyp tastaý týraly buıryqqa qol qoıǵanyn, endi Reseı tarapynda ony kelisý protsesi júrip jatqanyn aıtty. «Biz olardan sheshim qabyldaǵany týraly aqparatty alysymen osy buıryq kúshine enedi», - dedi U. Qarabalın.
