Qazaqstan Reseıden benzın ımportyn arttyrmaq
ASTANA. QazAqparat - Qazaqstan Reseıden ımporttalatyn benzın kólemin arttyratyn bolady. Bul týraly búgin Ortalyq kommýnıkatsııalar qyzmetindegi brıfıngte QR Energetıka vıtse-mınıstri Áset Maǵaýov málim etti, dep habarlaıdy QazAqparat.
Onyń atap ótýinshe, mundaı qadam benzın tapshylyǵyna jol bermeý úshin jasalýda.
«Baǵalaýymyzsha qyrkúıek aıynda ımport kólemi shamamen 90 myń tonnaǵa ulǵaıdy. ıAǵnı, is júzinde eki esege kóbeıdi. Egerde oǵan deıin ımport úlesi 15 paıyz bolsa, qyrkúıekte shamamen 30 paıyzǵa jetti. Degenmen, barlyq kompanııalar birdeı ımportpen aınalysa alǵan joq. Sebebi bizde bólshek baǵany retteý turǵysynda zańnama barynsha qatań. ıAǵnı, bólshek baǵanyń bir mezette kez kelgen kóterilýi baǵaǵa ymyralasý retinde baǵalanady. Osyǵan baılanysty kompanııalardyń bir bóligi ımporttyq jetkizilim jasamady. Soǵan baılanysty qyrkúıek aıynda atalǵan 90 myń tonna ımport bolǵannyń ózinde qyrkúıek aıynda qalǵan qaldyq onyń aldyndaǵy aımen salystyrǵanda tómendedi», - dedi Áset Maǵaýov.
Onyń sózine qaraǵanda, janar-jaǵarmaı naryǵyndaǵy oryn alyp otyrǵan jaıtqa baılanysty Energetıka mınıstrligi otandyq kompanııalardyń basshylarymen ımportty kúsheıtý maqsatynda keńes ótkizgen.
«Shamamen 20 myń tonnany Gazpromneft ımporttaýy tıis. QazMunaızGaz 10 myń tonnaǵa kelisimshart jasasty, 20 myń tonnaǵa arnalǵan qosymsha kelisimshart qol qoıý kezeńinde tur. Menińshe, búgin-erteń oǵan qol qoıylady. Buǵan qosa, Gelıos, Sınoıl kompanııalary Ýfa tobyna kiretin zaýyttardan 20 myń tonna jetkizý jaıyn talqylaýda», - dedi vıe-mınıstr.
Bul máseleni mınıstrlik reseılik áriptesterimen baılanysqa shyǵyp, únemi baqylaýda ustaýda.
«Búgin Rosneft vıtse-prezıdetimen jetkizilimdi jetedeldetý máselesi boıynsha sóılestik. Olardyń tarabynan qoldaýdy kórip otyrmyz. Qazaqstanǵa keminde shamamen 100 myń tonna ımporttalady dep josparlaýdamyz. Bizdiń soltústik oblystarymyzǵa jeke tártippen ımporttyń kelip jatqanyn eskerer bolsa, onda 100 myń tonnadan artyq bolady dep oılaımyz», - dedi ol.
Esterińizge sala ketsek, ótken aıdan beri elimizde AI-92 markaly benzın tapshy bolýda.
