Qazaqstan Reseıden benzın ákelýge ýaqytsha tyıym salady

NUR-SULTAN. QazAqparat - Qazaqstan otandyq ónimderdiń eksportyn ulǵaıtý jóninde shara qabyldap jatyr, dep habarlaıdy QazAqparat tilshisi.

«Reseı Federatsııasynan benzın, dızel jáne avıatsııalyq otyndy Qazaqstannyń ishki naryǵyna ákelýge ýaqytsha tyıym salynady», - dep málim etti Energetıka mınıstrliginiń baspasóz qyzmetinen.

Sondaı-aq, Qazaqstan Eýrazııalyq ekonomıkalyq odaqtyń syrtqy ekonomıkalyq qyzmeti taýarlar nomenklatýrasy kodtarynyń 2709, 2710, 2902, 3403, 3811 toptaryna jatatyn taýarlardy avtokólik quralymen el aýmaǵynan áketýge tyıym salýdy alyp tastamaq.