Qazaqstan Reseıden 50 myń tonna benzın jetkizetin boldy

Bul týraly búgin Parlament Májilisinde ótken «Biryńǵaı ekonomıkalyq keńistikke ıntegratsııalaný jáne álemdik ekonomıkanyń týrbýlenttiligi jaǵdaıynda Qazaqstan Respýblıkasynyń ortamerzimdik ekonomıkalyq saıasatynyń negizgi aspektileri» atty dóńgelek ústel otyrysynda Munaı jáne gaz mınıstri Saýat Myńbaev málim etti.

Onyń sózine qaraǵanda, búgin nemese erteń Úkimettiń qaýlysy shyǵady. Onda «QazMunaıGaz» kompanııasyna Reseıden 50 myń tonna benzın jetkizý qajettigi kórsetilgen. Al «Samuryq-qazyna» ál-aýqat qory atalmysh sharamen baılanysty paıda bolýy yqtımal qarjylyq keri áserlermen kúresýi kerek. «Túptep kelgende atalmysh shara janar maıǵa degen baǵanyń sharyqtaýy tusynda máseleniń sheshimi bolyp otyr. Biz sonymen qatar osyndaı tásilder arqyly ınflıatsııanyń da sharyqtaýyna jol bermeımiz»,-dedi mınıstr.

Onyń sózine qaraǵanda, búgingi tańda elimizdegi janar maıǵa degen baǵanyń aıyrmashylyǵy Reseımen salystyrǵanda 40 paıyzǵa jetti. «Bul óte kóp mólsher. Bul tek Munaı jáne gaz mınıstriniń sheshimi ǵana emes, aldyn ala kelisilgen shara. Osy tásil arqyly biz benzın baǵasyna qatysty máseleni rettep otyrmyz. Árıne, ádette mundaı áreketterdiń saldary da bolmaı qoımaıdy»,-dedi S.Myńbaev.