Qazaqstan Reseıdegi saýda ókildigi mekemesin taratpaq

ASTANA. QazAqparat – Qazaqstan Reseı Federatsııasyndaǵy Saýda ókildigi mekemesin taratady. «Ashyq NQA» portalynda kópshilik talqylaýynda shyǵarylǵan qujatta osylaı delingen, dep habarlaıdy QazAqparat.

Bul mekeme búginge deıin Saýda jáne ıntegratsııa mınıstrligine qarasty uıym retinde jumys istep kelgen bolatyn.

«Qazaqstan Respýblıkasynyń Saýda jáne ıntegratsııa mınıstrliginiń «Qazaqstan Respýblıkasynyń Reseı Federatsııasyndaǵy Saýda ókildigi» memlekettik mekemesi taratylsyn», - dep jazylǵan Úkimet qaýlysynyń jobasynda.

Qaýly jobasy kópshilik talqylaýyna 15 aqpanǵa deıin usynylyp otyr.

Bul máselege qatysty Saýda mınıstrligi túsinik berdi.

«Memlekettik organdardyń jumysyn ońtaılandyrý protsesiniń sheńberinde Reseı Federatsııasymen ózara yntymaqtastyqtyń joǵary deńgeıin eskere otyryp, Qazaqstan Respýblıkasynyń Reseı Federatsııasyndaǵy saýda ókildiginiń jumysyn toqtatý týraly sheshim qabyldandy», - dedi mınıstrlik.

Aıta ketsek, Saýda ókildiginiń keńsesi Máskeýde ornalasqan. Mekeme Qazaqstan men Reseı arasyndaǵy «Ózara saýda ókildikterin qurý týraly» 1992 jylǵy kelisim negizinde jumys isteıdi.