Qazaqstan Reseıde shyǵarylǵan «Eleron» ushqyshsyz basqarylatyn apparatyn alýǵa yntaly
ASTANA. QazAqparat - TMD-nyń birqatar eli, sonyń ishinde Belarýs pen Qazaqstan «Eleron» túrine jatatyn ushqyshsyz basqarylatyn ushý apparatyn alýǵa yntaly. Qazirgi kezde kelisimshart jasasar aldyndaǵy kelissóz júrgizilip jatyr, dep habarlady MAKS-2015 áýeǵarysh salony barysynda «Enıks» ushqyshsyz basqarylatyn apparatty shyǵarýshy kompanııasynyń (Qazan qalasy) dırektory Valerıı Pobejımov.
Eske sala keteıik, tamyzdyń 25-30-y aralyǵynda MAKS-2015 Halyqaralyq áýeǵarysh salony Máskeý túbindegi Jýkovskıı kentinde ótýde. Bıylǵy kórmeniń aýqymy keń, statsıonarlyq jáne ýaqytsha pavılondar 28 myńnan astam sharshy metrdi qurady. Salonǵa 584 reseılik jáne sheteldiń 30 memleketinen 156 korporatsııa men kompanııa qatysýda.
«Bizge úsh sheteldik kompanııa «Eleron» keshenderine tapsyrys berdi. Bizdiń ónimge TMD elderinen, sonyń ishinde Belarýs pen Qazaqstannan suranys bar», - dedi Pobejımov.
