Qazaqstan, Reseı jáne Belarýs Eýrazııalyq akkredıtatsııa uıymyn qurýdy kózdeıdi

ASTANA. 6 jeltoqsan. QazAqparat - Kedendik odaq aıasynda Eýrazııalyq akkredıtatsııa uıymy qurylady. Bul týraly búgingi baspasóz máslıhatynda QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń Ulttyq akredıtteý ortalyǵynyń bas dırektory Tımýr Nurashev málim etti.

 Ortalyq basshysy atap kórsetkendeı, Kedendik odaq aıasynda akkredıtatsııa jumystaryn úılestirý maqsatynda arnaıy jumys toby qurylǵan. Onyń quramyna Qazaqstan, Reseı jáne Belarýstyń tehnıkalyq retteý organdarynyń basshylary men akkredıtatsııa boıynsha ulttyq ortalyqtardyń jetekshileri kiredi. «Atalǵan jumys tobynyń sońǵy otyrysynda akkredıtatsııa boıynsha Eýrazııalyq uıymdy qurý máselesi kóterilip, úsh memleket ol bastama qoldady. Aldaǵy ýaqytta akkredıtatsııanyń nátıjesin ózara úılestirip, ol jumysty bir arnada júrgizý osy uıymnyń negizgi maqsat-mindeti bolmaq», - deıdi T.Nurashev.