Qazaqstan, Reseı jáne Avstralııanyń ánshi balalary «Astana Piano Passion» festıvaliniń ashylý saltanatynda óner kórsetedi
ASTANA. QazAqparat - 2014 jyldyń 10-16 mamyr aralyǵynda ótetin "Astana Piano Passion" klassıkalyq mýzyka festıvaliniń ótý kúnderinde, Birinshi Halyqaralyq jas pıanıster baıqaýynyń Gran-prı ıegeri - Aleksandr Kýtýzov (Reseı) Astana qalasynda jeke kontsertin bermek.
Budan basqa, festıval-baıqaýdyń ashylýynda ótken jylǵy baıqaýdyń eń kishkentaı jeńimpazdary Varvara Kýtýzova (Reseı), Shýan Ern Lı (Avstralııa) jáne Sanjaráli Kópbaev (Qazaqstan) óz ónerlerin kórsetedi. Baıqaýdyń kishi tobyndaǵy 10 jasar sheberler kórermenderdiń kóz aıymyna aınalyp jáne qazylar alqasy múshelerin tań qaldyrǵany sonsha, baıqaýdyń Uıymdastyrý komıteti daryndy balalardy Astana qalasynda ótetin klassıkalyq mýzyka festıvaliniń ashylýynda óner kórsetýge shakyrý jóninde sheshim qabyldady. Jas talanttar Astana qalasynyń jurtshylyǵyna qazirden bastap daıyndap jatqan arnaıy baǵdarlamasyn oınaıtyn bolady. Biraq olardyń qandaı shyǵarmalardy oryndaıtyny sál keıinirek belgili bolmaq. Ázirge balalar Qazaqstan men bar Álemniń túkpir-túkpirinen talantty balalardy "Astana Piano Passion" baıqaýynyń irikteý kezeńine qatysýǵa shaqyrýda. Ótinimderdi qabyldaý 2014 jyldyń 15 naýryzyna deıin sozylmaq. Baıqaý erejeleri jaıly tolyq aqparattardy http://astana-app.kz/ru/ arnaıy saıtynan bile alasyzdar. Jas pıanıster baıqaýynyń barlyq qatysýshylarynyń tyńdaýy men qonaqtardyń óneri baıqaýdyń saıtynda on-laında tikeleı kórsetilmek.
