Qazaqstan, Reseı, Tájikstan jáne Qyrǵyzstannyń áskerı qyzmetshileri lańkestikke qarsy oqý-jattyǵý operatsııasyn ótkizdi

ASTANA. QazAqparat - QR QK áskerı qyzmetshileri Ortalyq Azııa óńiriniń jyldam óristetý ujymdyq kúshteriniń qolbasshylyǵy jáne shtabymen jedel jıyndarǵa qatysty.

Sabaqtar Shubarkól qalasyndaǵy Reseı Federatsııasy Qarýly Kúshteri Ortalyq áskerı okrýginiń 255-shi túraralyq polıgonynda bes kún boıy ótti, dep habarlaıdy QR QM baspasóz qyzmeti.

Birikken shtaby bastyǵynyń basshylyq etýimen jıynǵa qatysýǵa Qazaqstan, Qyrǵyzstan, Reseı, Tájikstan, Armenııa jáne Belarýs QK-niń, Qazaqstan men Reseı Qorǵanys mınıstrlikteriniń jetekshi áskerı bilim berý mekemeleriniń, sondaı-aq UQShU Birikken shtabynyń laýazymdy tulǵalary tartyldy.

Qazaqstandyq armııadan UQShU-nyń Birikken shtabyndaǵy QR Qarýly Kúshteriniń turaqty ókilderi, Aeroutqyr áskerleriniń ofıtser-jetekshileri jáne Elbasy - QR Tuńǵysh Prezıdenti atyndaǵy Ulttyq qorǵanys ýnıversıtetiniń ókili qatysty.

Shtabtyq jattyqtyrý barysynda áskerı qyzmetshiler birlesken lankestikke qarsy operatsııaǵa qatysýǵa tapsyrma alǵan kezde áskerı qyzmetshiler qolbasshylyq pen shtabtyń jumysyn uıymdastyrý máselelerin pysyqtady.

UQShU Birikken shtabynyń basshylyǵy qazaqstandyq áskerı qyzmetshilerdiń teorııalyq jáne praktıkalyq daıyndyǵynyń joǵary deńgeıin atap ótti. Sonymen qatar, UQShU múshe memleketteriniń áskerı ǵylym ókilderine uıymnyń alty eliniń ujymdyq qaýipsizdigin qamtamasyz etý jónindegi ǵylymı-zertteý jumysyn jalǵastyrý tilegi aıtyldy.

Atalǵan jedel jıyndar 2015 jyly UQShU-nyń ujymdyq qaýipsizdik júıesiniń kúshteri men quraldarynyń quralymdary men basqarý organdarynyń birlesken jedel jáne jaýyngerlik daıarlyq jalpy júıesindegi sońǵy is-shara bolǵanyn aıta ketken jón.