Qazaqstan Reseı tarapymen vaktsına pasporty týraly qujatty bekitýge daıyn
Bul týraly Senattyń jalpy otyrysynan keıin tilshilerge suhbat bergen QR Densaýlyq saqtaý vıtse-mınıstri — Bas memlekettik sanıtarlyq dárigeri Aıjan Esmaǵambetova málim etti, dep habarlaıdy QazAqparat tilshisi.
«Vaktsınalaý pasporttaryna toqtalsaq, Reseı Federatsııasynan kelisim Syrtqy ister mınıstrligi arqyly bizge keldi. QR Densaýlyq saqtaý mınıstrligi bul turǵyda óziniń ustanymyn jarııalady, ıaǵnı biz osy kelisimge qol qoıýǵa daıynbyz. Qazirgi kezde QR Tsıfrlyq damý, ınnovatsııalar jáne aeroǵarysh ónerkásibi mınıstrligimen tıisti jumystar júrgizilip jatyr, bul baǵytta tehnıkalyq máselelerdi retteý kerek», - dedi A. Esmaǵambetova.
Osy oraıda ol Tsıfrlyq damý mınıstrligi tıisti qorytyndy jasaǵannan keıin, bul qujat QR Syrtqy ister mınıstrligi arqyly Reseıdiń tıisti organdaryna joldanatynyn aıtty.
Degenmen vıtse-mınıstr pasporttardy ózara taný merzimi týraly naqty merzimdi naqtylaı almady.
«Naqty merzim týraly aıta almaımyn, biz ózimizdiń ustanymdy jarııaladyq. Endigi másele tehnıkalyq sıpatta. Bul qadamdar QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń quzyretimen baılanysty», - dedi A. Esmaǵambetova.
30 naýryzda QR Densaýlyq saqtaý mınıstrligi Reseımen arada koronavırýstan vaktsınatsııa pasporttaryn ózara taný týraly kelisimniń jobasyn kelisýge aldy.
Budan buryn habarlanǵandaı, bıyl naýryz aıynda QR Bas sanıtar dárigeriniń jańa qaýlysy boıynsha Qazaqstan Respýblıkasynda koronavırýs ınfektsııasyna qarsy vaktsınatsııa qujattary jaramdy elderdiń tizimi jańardy.
Jańartylǵan tizimde ańartylǵan tizimge 30-dan astam memleket kirip otyr.
