Qazaqstan-Reseı shekarasynda tárkilengen 357 myń qorap temeki órteldi
SQO boıynsha ekonomıkalyq tergeý departamentiniń málimetinshe, 2020 jyldyń 8 qazanynda Maǵjan Jumabaev aýdanyndaǵy «Qaraqoǵa» avtomobıl ótkizý pýnktinde qyzmetkerler avtomobıldi toqtatqan. Kólikten aktsız markasy joq 357 myń qorap temeki tabyldy.
«Aıypty isti onyń qatysýynsyz qaraý jaıynda ótinish jazyp, sot otyrysyna qatysqan joq. QR Ákimshilik quqyq buzýshylyq kodeksiniń 283-baby 2-bóligine sáıkes («Sharap materıaly, syra men syra sýsynyn qospaǵanda, alkogol ónimin esepke alý-baqylaý tańbalarymen jáne temeki buıymdaryn aktsızdik tańbalarmen tańbalaý (qaıta tańbalaý) qaǵıdalaryn, sondaı-aq aktsızdik jáne esepke alý-baqylaý tańbalarynyń nysanyn, mazmunyn jáne qorǵaý elementterin bekitý týraly») zańdy buzǵan jeke tulǵalar aktsızdelmegen taýary tárkilene otyryp, 50 AEK (1 AEK 3180 teńge) mólsherinde aıyppul salýmen jaýapqa tartylady. Osyǵan oraı sot kólik júrgizýshisin kináli dep taýyp 153 myń teńge aıyppul saldy», - deıdi SQO boıynsha ekonomıkalyq tergeý departamentiniń asa mańyzdy ister boıynsha tergeýshisi Elena Beloýs.
Al tárkilengen temekiniń iri partııasy órtelip, kózi joıyldy.