Qazaqstan-Reseı shekarasynda geroınniń asa iri partııasy tárkilendi

NUR-SULTAN. QazAqparat - Batys Qazaqstan oblysynda shekarashylar iri kólemde esirtki partııasyn anyqtady, dep habarlaıdy QR UQK baspasóz qyzmeti.

««Syrym» avtomobıl ótkizý pýnktinde (Batys Qazaqstan oblysy) «Ledı» atty qyzmettik ıtti paıdalana otyryp Qyrǵyz Respýblıkasy azamaty mingen «Renault Magnum» avtomashınasynda jalpy salmaǵy 135 kg 493 gr 52 mg aq-sur tústi untaq avtomobıldiń artqy dóńgelekterinde jasyrylǵany anyqtaldy» delingen habarlamada.

Tárkilengen zat odan ári protsestik áreketter júrgizý úshin UQK Batys Qazaqstan oblysy boıynsha departamentine berildi.
Saraptama nátıjeleri boıynsha ol salmaǵy 39 kg 341 gr 77 mg geroın jáne salmaǵy 96 kg 151 gr 75 mg gashısh ekeni anyqtaldy.
Ótkizý pýnktterinde tekserý júrgizý kezinde qyzmettik ıtter taptyrmaıtyn kómekshi boldy.
Ótken jyldyń jeltoqsan aıynda «Djek» atty qyzmettik ıttiń kómegimen qazaqstan-qyrǵyz shekarasynda jalpy salmaǵy 60 kg 370 gr geroınniń iri partııasy tabyldy.