Qazaqstan-reseı shekarasynda 7 jańa ótkizý oryndary ashylady - Májilis
ASTANA. 26 maýsym. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy
qazaqstan-reseı memlekettik shekarasynyń qıylysyndaǵy aımaqtyń turǵyndarynyń ótý tártibi týraly 2006 jylǵy 3 qazanda jasalǵan úkimetaralyq kelisimge ózgerister men tolyqtyrýlar engizý týraly kelisimdi ratıfıkatsııalaý týraly» zań jobasyn maquldady.
Atalǵan kelisimniń nátıjesinde qıylysatyn oryndar jańa pýnkttermen tolyǵady. Atap aıtqanda Qazaqstan tarapynan - Qostanaı oblysynyń Meńdiqara aýdanyndaǵy Qostanaı, Jambyl aýdanyndaǵy Aıymjan jáne Soltústik Qazaqstan oblysynyń Ýálıhanov aýdanynda Úlken Qaraoı, Pavlodar oblysynyń Ertis aýdanynda Ertis, Aqtóbe oblysynyń Áıteke bı aýdanynda Áıteke bı jáne Qobda aýdanynda Jırenqopa, Batys Qazaqstan oblysynyń Kaztalov aýdanynda Kaztalov pýnktteri.
Sonymen qatar, osy tizilimderden Qazaqstan tarapynan - Shyǵys Qazaqstan oblysynyń Shemonaıha aýdanyndaǵy Qyzyl Shemonaıha, Borodýlıhın aýdanyndaǵy Býrkotovo men Korostelı, Pavlodar oblysynyń Galıtskoe-Ýspenskıı aýdanyndaǵy Ekaterınoslavka, Soltústik Qazaqstan oblysyndaǵy M.Jumabaev aýdanyndaǵy Sývorovka pýnktteri jabylady.
ıAǵnı, qazaqstan-reseı shekarasynan jańadan 7 ótkizý oryny ashylyp, burynǵy altaýy jabylady.
