Qazaqstan - Reseı shekarasynda 30 tonna benzındi ótkizbek bolǵan azamat ustaldy
ASTANA. QazAqparat - Qazaqstan - Reseı shekarasynda salmaǵy 30 tonna bolatyn benzındi ótkizbek bolǵan azamat ustaldy. Bul týraly QR UQK ShQ baspasóz qyzmetinen habarlady.
«Pavlodar shekara otrıadyna qarasty «Qosaq - avto» ótkizý-baqylaý beketiniń baqylaýshylary 30 tonna benzındi (AI-80 markaly) memlekettik shekaradan ótkizbek bolǵan 41 jastaǵy Reseı Federatsııasynyń azamatyn ustady. Teksere kelgende onyń qujattarynan shı shyqty - ilestirme qujat, esep-faktýrasy qosymshaǵa múlde sáıkes kelmeıdi eken. Soǵan qaramastan ustalǵan azamat óziniń júgin Qazaqstannan kórshiles Reseıge ótkizýge tyrysqan», - dep jazylǵan habarlamada.
Atalǵan derek boıynsha quqyqqorǵaý organdary habarlandyryldy. Tergeý amaldary júrgizilýde.
