Qazaqstan-Reseı shekarasynda 1 kelige jýyq marıhýana alyp ótpek bolǵandar ustaldy
ASTANA. QazAqparat - Qazaqstan-Reseılik shekarada ornalasqan Aqtóbe shekara otrıadyna qarasty «Jaısań - avto» baqylaý-ótkizý beketinde bir kelige jýyq esirtkini alyp ótpek bolǵan reseılik úsh azamatty qazaqstandyq shekarashylar ustady, dep habarlady QR UQK ShQ baspasóz qyzmetinen.
Naqtyraq aıtqanda, elimizden reseı jerine qaraı ketip bara jatqan «Lada granta» avtokóligin shekaralyq tekserý kezinde qyzmettik ıt onyń ártúrli bóligine jasyrylǵan bir lıtrlik eki bótelke, jarty lıtrlik bir bótelke jáne eki túıinshek tapty. Aldyn ala jasalǵan saraptama qorytyndysy atalǵan zattardyń marıhýana ekendigin kórsetti.
Atalǵan derekter boıynsha quqyqqorǵaý organdary habarlandyryldy.
