Qazaqstan-Reseı shekarasynan zańsyz jolmen iri kólemde balyq alyp ótpek bolǵan reseılik azamat ustaldy
ASTANA. QazAqparat - Shekara qyzmetiniń «Jaǵalaý kúzeti» óńirlik basqarmasynyń shekarashylary baǵaly tuqymdy 50 kılogramǵa jýyq balyqty elimizden alyp ketpek bolǵandardyń jolyn kesti. Bul týraly UQK ShQ baspasóz qyzmetinen habarlady.
Oqıǵa elimizdiń batysynda ornalasqan «Qurmanǵazy» ótkizý-baqylaý beketinde oryn aldy. Bekettiń baqylaýshylary zańsyz júk alyp bara jatqan 49 jastaǵy Reseı Federatsııasynyń azamatyn ustady.
Onyń júgin tekserý kezinde salmaǵy 11,5 kılogramm bolatyn tiri bekire jáne 38,5 kılogramm bekire tuqymdas balyqtar tabyldy.
Atalǵan derekter boıynsha Atyraý oblysynyń Qurmanǵazy aýdandyq quqyqqorǵaý organdary habarlandyryldy. Fıltratsııalyq is-sharalar atqarylýda.
Jalpy, jedel-saýyqtyrý is-sharasynyń ІІ kezeńinde teńiz shekarashylary bir táýlik ishinde zańsyz balyq aýlap júrgen elimizdiń 4 azamatyn, 1 Reseı azamatyn, jasandy 2 qaıyq pen 14 300 metr bolatyn tor tárkiledi.
