Qazaqstan-Reseı shekarasynan bir tabyn maldy zańsyz ótkizbek bolǵandar ustaldy
ASTANA. QazAqparat - Elimizdiń batysynda ornalasqan Jánibek shekara otrıadyna qarasty «Jánibek avto» baqylaý-ótkizý beketiniń baqylaýshylary birine iri qara mal, ekinshisine jylqylar tıelgen eki júk mashınasyn ustady, dep habarlaıdy QR UQK ShQ baspasóz qyzmeti.
Barlyǵyn qosyp sanaǵanda iri qaranyń sany 45 bas bolyp shyqty. Eshqandaı qujaty joq «Kamaz» jáne «Gaz» júk kólikterine tıelgen osynshama maldy 29 jastaǵy jerlesimiz kóz qysty, barmaq basty jolmen Reseı Federatsııasynan Qazaqstanǵa alyp ótpek bolǵan.
Qazaqstan Respýblıkasy Ákimshilik-quqyqtyq kodeksiniń 406-babynyń 1-bóligine sáıkes, atalǵan derek boıynsha Jánibek aýdandyq veterınarlyq baqylaý komıteti habarlandyryldy.
