Qazaqstan-Reseı shekarasynda fýralarǵa qatysty jaǵdaı jyl sońyna deıin sheshiledi – Pýtın

ASTANA. KAZINFORM – Reseı prezıdenti Vladımır Pýtın Qazaqstan-Reseı shekarasyndaǵy sońǵy kólik keptelisiniń sebebin túsindirdi, dep habarlaıdy TASS.

Путин: ситуация с фурами на границе Казахстана и РФ решится к концу года
Фото: ТАСС

Onyń aıtýynsha, shekaradaǵy júk kólikteriniń keptelisi zańsyz ımportqa qarsy kúresten týyndaǵan. 

Pýtın Qyrǵyzstanǵa saparynan keıingi baspasóz máslıhatynda óziniń tapsyrmasy boıynsha EAEO sheńberindegi keden komıteti jolda kezdeısoq tekserýler uıymdastyra bastaǵanyn aıtty.

- Belgili bolǵandaı, taýarlardyń aıtarlyqtaı kóp sany, fýralar jáne júk kólikteri reseılik-qazaqstandyq shekaradan qujatsyz ótip júr. Bul - qara ımport, - dedi ol. 

Reseı basshysy Reseı men Qazaqstannyń ortaq keden aımaǵy, ortaq naryq jáne kapıtal men taýarlardyń erkin qozǵalysy bar ekenin, alaıda osyǵan qaramastan árbir júk fýrasynda eki el arasynda kelisilgen naqty qujattar jıyntyǵy bolýy kerek ekenin atap ótti. 

Bul júk kóliginde ne bar ekenin egjeı-tegjeıli kórsetetin qujat bolyp, onda kem degende taýarlar kimge jóneltilip jatqany anyq kórsetilýi, sondaı-aq Reseı shekarasynan osy taýarlarmen ótetin adam qandaı kedendik jıyn men QQS tóleýi kerek ekeni birden túsinikti bolýy tıis. 

Reseı basshysy Qazaqstan prezıdenti Qasym-Jomart Toqaevpen Qazaqstannan Reseıge zańsyz ımportqa qarsy kúresý úshin birlesip jumys isteýge keliskenin habarlady. 

- Biz bul máseleni Qazaqstan prezıdenti Qasym-Jomart Kemelulymen talqyladyq. Ol bárin túsindi. Onyń eshqandaı suraǵy nemese máselesi joq. Biz shekaramyzda, Qazaqstan aýmaǵynda jınalǵan kóptegen júk kólikteriniń Reseı Federatsııasyna qozǵalysyn qamtamasyz etý úshin barlyǵyn jasaıtynymyzǵa kelistik. Bizdiń keden organdarymyz tasymaldanatyn bul taýarlardyń quny jarııalanatynyna jáne sońǵy alýshy anyqtalatynyna kelisti. Biz júk kólikteriniń ótýine birtindep ruqsat beremiz, - dep qosty ol. 

Pýtın Qazaqstan-Reseı shekarasyndaǵy júk kólikterine qatysty jaǵdaı jyl sońyna deıin sheshiletinine senim bildirdi.

Kazinform úshin arnaıy TASS seriktes agenttigi usynǵan.

Buǵan deıin Qazaqstan men Reseı shekarasyndaǵy ótkizý beketterinde kólikter jınalyp qalǵanyn jazǵan bolatynbyz

Qazaqstan EEK pen Úkimetaralyq komıssııa alańynda Qazaqstan-Reseı shekarasyndaǵy keptelis máselesin kóterdi

RF Syrtqy ister mınıstrligi Qazaqstan-Reseı shekarasyndaǵy jaǵdaıǵa túsinik berdi.

Сейчас читают