Qazaqstan-Reseı saýda kólemi 24 mlrd dollarǵa jetti – Qasym-Jomart Toqaev

ASTANA. QazAqparat – Memleket basshysy Qasym-Jomart Toqaev Reseı Federatsııasynyń Prezıdentimen kelissóz barysynda Máskeýge bul jolǵy saparynyń maqsaty týraly aıtyp ótti, dep habarlaıdy QazAqparat tilshisi.

«Qarym-qatynasymyzdy ári qaraı jyljytýǵa salmaqty negizder bar dep topshylaımyn. Elderimiz arasyndaǵy saýda kólemi, pandemııamen baılanysty búkil qıyndyqtarǵa qaramastan 24 mlrd dollarǵa jetti. Reseı kapıtalynyń bizdiń elimizdegi jospary óte aýqymdy. Men, Memleket basshysy retinde jáne bizdiń Úkimet osy qatynas eki jaqqa da tıimdi baǵytpen turaqty negizde ornyǵýyna búkil múmkindikter jasaımyz. Áriptestik ornatylǵan salalardyń bárin tizbelep ataýdyń qajeti joq dep oılaımyn. Halyqaralyq áriptestikte bar baılanystyń bári ekijaqty áriptestigimizde kórinis tapqan. Elderimizdiń arasyndaǵy áriptestiktiń damýyna kóńil tolatyndaı negiz bar. Deı turǵanmen, árdaıym alǵa qarap, bet túzeýimiz kerek. Bul jerge sol úshin de kelip otyrmyn», - dedi Prezıdent.

Aıta keteıik, kelissóz aldynda Memleket basshysy Reseı óńiraralyq yntymaqtastyq forýmynyń XVIII jalpy otyrysyna beınekonferentsııa formatynda qatysty.