Qazaqstan-Reseı Óńiraralyq forýmy: Baıqońyrdaǵy týrızm qalaı damytylady
«Yntymaqtastyqtyń perspektıvaly jobalarynyń biri - Baıqońyrda ǵaryshtyq týrızmdi belsendi damytý bolýy múmkin. Barsha álemde jabyq ǵarysh aılaqtaryna saparlaý óte joǵary qyzyǵýshylyq týdyrady. Mysaly, AQSh-tyń bas ǵarysh aılaǵy men onyń Florıda shtatyndaǵy rejimdi nysandaryna jylyna 1 mıllıon týrıst barady», - dedi A. Muhamedıuly Qazaqstan men Reseıdiń Óńiraralyq yntymaqtastyǵynyń XV forýmynda
Osy oraıda ol Baıqońyrda 18-den 24-ke deıin ushyrylym bolatynyn, oǵan 2 myńnan astam adam baratyndyǵyn jetkizdi. Mundaı jaǵdaı kóptegen quqyqtyq kedergilerge, áskerı vedomstvolar is-qımylyndaǵy kelispeýshilikke baılanysty bolyp otyr. Bul óz kezeginde Baıqońyrǵa týrısterdiń saparlaryn shektep keledi.
Bul turǵyda QR Mádenıet jáne sport mınıstri atalǵan máseleni sheshý úshin Qazaqstan men Reseı prezıdentterinen tıisti qoldaý kórsetýin surady.
Budan buryn habarlanǵandaı, Qazaqstan men Reseıdiń Óńiraralyq yntymaqtastyǵynyń XV forýmynda QR Mádenıet jáne sport mınıstri Arystanbek Muhamedıuly eki eldiń týrızm salasyn damytýdyń múmkindikterin baıandady.
Sonymen qatar onda Aqtaý sammıti Kaspıı teńizindegi týrızmdi damytýǵa yqpal etkendigi aıtyldy.