Qazaqstan Reseı men Belarýstiń temirjol arqyly ótetin júk tasymalyna 50 paıyz jeńildik berdi

ASTANA. KAZINFORM – Kólik mınıstri Marat Qarabaev Reseı jáne Qazaqstan Premer-mınıstrleriniń kezdesýinen keıin BAQ ókilderine «Soltústik-Ońtústik» kólik dálizine Qazaqstan qalaı qatysatynyn aıtty.

- Birge iske asyrǵaly otyrǵan jobalarymyzdyń biri – «Soltústik – Ońtústik» kólik dálizi. ıAǵnı, Reseı Federatsııasy men Belarýs elindegi tıisti júkterdi Qazaqstan arqyly Túrikmenstanǵa jáne odan ári qaraı tasymaldaý máselesi. Ol úshin temirjolǵa tıisti 50 paıyzdyq jeńildikter berildi. Munyń nátıjesinde osy joldaǵy júk sany artady dep otyrmyz, - dedi vedomstvo basshysy.

Marat Qarabaev Qazaqstan men Reseı arasynda sý kóligi salasynda da birqatar yntymaq nyǵaıyp kele jatqanyn atap ótti.

- Jalpy kólik dálizi aıasynda (Soltústik – Ońtústik – red) Reseıden kele jatqan júkter Aqtaý jáne Quryq porttaryn qoldanbaq. Sonyń aıasynda óz porttarymyzǵa tereńdetý jumystaryn júrgizdik. Bul bastama júk tasymalynyń ulǵaıýyna múmkindik beredi. Dál osyndaı tereńdetý jumystary Reseıdiń Mahachkalasynda da júrgiziledi dep kútip otyrmyz, - deıdi mınıstr.

Atalǵan kezdesýde Reseı Premer-mınıstri Mıhaıl Mıshýstın Qazaqstan Eýrazııadaǵy toǵyz joldyń torabyna aınalatynyn aıtqan bolatyn.