Qazaqstan Reseı men AQSh basshylarynyń kezdesýin Ýkraına boıynsha dıalogtyń bastaýy retinde quptaıdy

ASTANA. KAZINFORM – Qazaqstan Reseı men AQSh prezıdentteriniń Ankorıdjdegi kezdesýin Ýkraına boıynsha joǵary deńgeıdegi kelissózder úderisiniń bastamasy retinde quptaıdy, dep habarlaıdy Kazinform QR Prezıdentiniń keńesshisi jáne baspasóz hatshysy Rýslan Jeldibaıǵa silteme jasap.

– Memleket basshysy Qasym-Jomart Toqaev tarıhı mańyzy bar bul sammıt eki el basshylarynyń saıası erik-jigeriniń, qazirgi zamannyń ózekti máselelerin sheshýge, sonyń ishinde Ýkraınadaǵy áskerı qımyldardy toqtatýǵa qatysty ortaq tásilderdi tabýǵa degen shynaıy umtylysynyń arqasynda múmkin boldy dep sanaıdy, - dedi Rýslan Jeldibaı.

Eske salaıyq, buǵan deıin AQSh pen Reseı prezıdentteriniń Ankorıdjdegi áskerı bazada kezdeskenin habarlaǵan edik. Sondaı-aq úsh saǵatqa jýyq ýaqyt kelissóz júrgizgen Tramp pen Pýtın kelisimge kele almaǵanyn jazǵan bolatynbyz.