Qazaqstan-Reseı memlekettik shekarasyn demarkatsııalaý jónindegi komıssııa otyrysy ótti

ALMATY. QazAqparat – Almaty qalasynda Qazaqstan-Reseı birlesken demarkatsııalyq komıssııasynyń kezekti otyrysy ótti. Bul týraly QR Syrtqy ister mınıstrliginen málim etti, dep habarlaıdy QazAqparat.

Qazaqstan-Reseı birlesken demarkatsııalyq komıssııasynyń júz jıyrma ekinshi otyrysy 3-7 qazanda Almaty qalasynda ótti.

«Taraptar Qazaqstan-Reseı memlekettik shekarasyn demarkatsııalaýdyń qorytyndy qujattarynyń jobalaryn qarastyrýdy jáne bekitýdi jalǵastyrdy, 2023 jylǵa arnalǵan kameraldyq jumystar josparyn bekitti, sondaı-aq aldaǵy jyly dalalyq jumystar josparyn talqylady.

Komıssııanyń kelesi otyrysy 2022 jyldyń qarashasynda Reseı Federatsııasynyń aýmaǵynda ótedi», - delingen málimette.