Qazaqstan - Reseı matchynyń nátıjesi qaıta qaralýy múmkin be
NUR-SULTAN. QazAqparat - Qazaqstan - Reseı matchynyń nátıjesi qaıta qaralýy múmkin, óıtkeni alańǵa buryn aıtylmaǵan oıynshy shyǵyp ketti, dep jazady «SPORTINFORM».
Matchtyń 30-mınýtynda, esep Reseıdiń basymdyǵymen 0:1 bolyp turǵanda alańǵa «Qaırattyń» qorǵaýshysy ıAn Vorogovskıı shyqty. Alaıda, resmı málimdemede bul fýtbolshynyń aty-jóni kórsetilmegen bolatyn. Múmkin jattyqtyrýshylar shtaby onyń famılııasyn match hattamasyna qosýdy umytyp ketken bolar. Biraq aqıqat solaı - Vorogovskıı tizimde joq.
«Negizi, qazaqstandyq taraptyń osy bir aǵattyǵy úshin match nátıjesi qaıta qaralyp, bizdiń komandanyń jeńilisi 0:3 esebimen tehnıkalyq jeńiliske jatqyzylýy múmkin», - dep jazady «SPORTINFORM».
Degenmen, Evro-2020 irikteý kezeńiniń Qazaqstan men Reseı arasyndaǵy matchynda jumys istep júrgen ÝEFA qyzmetkkerleri «Sport-Ekspress» gazetine aıtqandaı, bul - tehnıkalyq qatelik qana. Olar oıynǵa qatysatyn qurama múshelerin toltyrý júıesinde ıAn Vorogovskııdi belgileýdi umytyp ketken.
