Qazaqstan, Reseı, Belarýs jáne Qytaıdyń áskerı qyzmetshileri «Aspan kilti» baıqaýynda baq synasady
Qazaq áskerleri Reseıdiń Astrahan oblysyndaǵy «Ashýlýk» polıgonynda 30 shilde men 7 tamyz aralyǵynda «ArMI-2016» sheńberinde ótetin zenıttik-zymyran áskerleriniń jaýyngerlik eseptoptary arasyndaǵy «Aspan kilti» baıqaýyna alǵash ret qatysady.
Saıys kóztartarlyq, sonymen birge, edáýir kúrdeli bolmaq. 4 qatysýshy el - Qazaqstan, Reseı, Qytaı, Belarýs jáne 6 baıqaý kezeńi. Onda árbir eseptop ózderiniń normatıvterin oryndaıdy. Qatysýshylar kóp osti shassı júrgizýshileriniń saıysy, zenıttik-basqarylatyn zymyrandardy iske qosý qurylǵysyn zarıadtaý, oryndy qaıta almastyrý kezinde áýe shabýylyna qarsy urysty júrgizý men is-qımyldar sekildi syndardan ótedi.
10216 áskerı bólimi komandıriniń orynbasary (bas ınjener) podpolkovnık Dmıtrıı Shevchenkonyń aıtýynsha, nysanalar boıynsha jaýyngerlik túsirýler aıqyndaýshy bolady. «Barlyǵy eskeriledi, júrgizý, zymyrandardy qaıta júkteý, eseptoptyń tehnıkany jaýyngerlik ázirliktiń ártúrli dárejelerine keltire alý sheberligi, joryqtyq, jaýyngerlik. Biraq, saıys jaýyngerlikke barynsha jaqyndatylǵan, ol nysanalar boıynsha jaýyngerlik túsirýler», - dedi ol. Qatysýshylar reseı tarapymen usynylatyn S-300PS qondyrǵylarynda saıysady. «Biz zymyrandardyń jaýyngerlik túsirýlerimen merzimdi túrde taktıkalyq oqý-jattyǵýlar ótkizip turamyz. Sondyqtan, bizdiń eseptoptar ázir. Bul turǵyda barlyǵy keremet. Bizdiń komanda tıisti daıyndyqtan ótti, joǵary nátıjeler kórsetemiz dep úmittenemiz», - deıdi D.Shevchenko atap ótti.
Qazaqstanda halyqaralyq baıqaýda usynatyn úzdik komandany jınaý úshin birneshe kezeńderden turatyn irikteý uıymdastyryldy. QR QK-niń ártúrli áskerı bólimderiniń 80 áskerı qyzmetshisiniń ishinen eń aldymen 30, al sodan keıin 18 anaǵurlym daıyndalǵan áskerı qyzmetshi irikteldi. Saıysqa alǵash ret qatysýshy áskerı qyzmetshiler men komandalardyń jaqsy daıyndyǵy baǵalanyp, qyzý báseke bolady dep kútýde.
