Qazaqstan-Reseı arasynda qaı salalarda saýda aınalymyn arttyrý josparlanyp otyr
ASTANA. KAZINFORM – Byltyr qos memleket arasyndaǵy saýda aınalymynyń kólemi 27 mlrd dollardan asqan. Endigi maqsat – bul kórsetkishti 30 mlrd dollarǵa jetkizý. Bul jóninde QR Saýda jáne ıntegratsııa mınıstri Arman Shaqqalıev málimdedi.
Ekijaqty úkimetaralyq kelissózden keıin jýrnalısterge suhbat bergen ol naqty basymdyq beriletin sektorlardy atap ótti.
– Energetıka, saýda, transport, logıstıka t.b. salalarda yntymaqtastyqty damytý máselesi úkimetaralyq komıssııa sheńberinde talqylandy. Sonymen qatar erteń Shymkentte EAEO úkimetaralyq kezdesýi bastalady. Bul joly Digital Kazakhstan is-sharasy ótpek. Sol jóninde aqparat usyndyq. Budan bólek bıyl Omby qalasynda ótetin óńiraralyq seriktestik forýmy jaıynda sóz qozǵaldy, – dedi A.Shaqqalıev.
Aıta keteıik buǵan deıin Qazaqstan-Reseı arasyndaǵy saýda aınalymy 30 mıllıard dollarǵa jýyqtaǵanyn jazǵanbyz.
