Qazaqstan rekordtyq mólsherdegi astyqty eksporttady - AShM
ASTANA. 29 mamyr. QazAqparat -2011 jyldyń 1 shildesinen bastap aǵymdaǵy jyldyń 24 mamyry aralyǵynda Qazaqstannan eksportqa 10,6 mln. tonna shamasynda astyq jóneltildi.
Bul el tarıhyndaǵy rekordtyq kórsetkish bolyp sanalady. Búgin bul týraly Aýyl sharýashylyǵy mınıstrliginde ótken brıfıng barysynda málim boldy.
Atap aıtqanda, salystyrmaly túrde qarastyrsaq, 2007-2008 jylǵy esepti kezeńde eksportqa astyqqa shaqqandaǵy undy qosa eseptegende 8,9 mln. tonnaǵa taıaý astyq tıep jóneltilgen bolatyn. Bul bıylǵy marketıngtik jyldyń kórsetkishinen 19 paıyzǵa tómen.
Mınıstrlik málimetine súıensek, 2011 jyldyń 1 qyrkúıeginen aǵymdaǵy jyldyń mamyr aıyn qosa eseptegende aı saıyn astyqqa shaqqandaǵy undy qosa eseptegende 1,0 mln. tonnadan astam astyq eksportqa shyǵarylǵan. Degenmen, eksport áleýetin (15 mln. tonna) tolyqtaı iske asyrý úshin áli de bolsa 4,4 mln. tonna astyqty tıep jóneltý qajet etiledi.
