Qazaqstan rekordtar kitabynyń jetinshi basylymynyń tusaýy kesildi
ALMATY. Mamyrdyń 19-y. QazAqparat /Ernar Beken/ - Almatyda Qazaqstannyń aqparattyq-entsıklopedııalyq anyqtamalyǵynyń (QAEA) jetinshi basylymynyń tanystyrylymy ótti,
dep habarlaıdy QazAqparat.
Qazaqstan rekordtar kitabynyń sońǵy shyǵarylymyna 1775 fakti men 1263 fotosýret enip otyr. Bunda elimizde oryn alǵan qaıtalanbas, biregeı oqıǵalar jınaqtalǵan.
Mysaly, qazaqtyń ushqysh-ǵaryshkeri Toqtar Áýbákirov, tórt júz seksen lıtr qan tapsyryp úlgergen elimizdiń qurmetti donory Aleksandr Skakovskıı, segiz keliden astam metall zattardy denesine jabystyra alatyn «magnıt áıel» Qarlyǵash Nyǵmetova, qalyń temir shybyqtardy maıystyryp, tisimen aýyr júkter kótere alatyn «temir adam» atanǵan Salım Mahammad esimderi osy kitapqa enip otyr.
Rekordtar kitabynyń jańa nusqasyn tanystyrý saltanatynda birqatar rekordsmender óz ónerlerin ortaǵa salyp, tańǵalarlyq is-áreketterin kórsetti.
QAEA 1999 jyldan beri shyǵarylyp keledi. Ol «Turan» ýnıversıtetiniń bastamasymen qolǵa alynǵan bolatyn. Sol kezeńnen beri respýblıkamyzdyń ártúrli ómir salalarynan aqparattar jınaý jáne olardy egjeı-tegjeıli anyqtaý boıynsha úlken jumystar atqaryldy, elimizdiń geografııasyn, tarıhyn sýretteıtin jáne qazirgi ómirinen alynǵan qyzyqty da tań qaldyrar oqıǵalar jınaqtaldy.
