Qazaqstan regbı-7-den Azııa serııasynyń kezeńinde besinshi oryn aldy
ASTANA. KAZINFORM – Qytaıdyń Sýchjoý qalasynda erler men áıelder komandalary arasynda regbı-7-den Azııa serııasynyń alǵashqy kezeńi aıaqtaldy.
Qazaqstan áıelder quramasy toptyq kezeńde Sıngapýr men Ózbekstan quramalaryn jeńip, Qytaıǵa ese jiberdi. Aldyn ala kezeń qorytyndysy boıynsha komandamyz shırek fınalǵa joldama aldy.
Jartylaı fınalǵa shyǵý úshin ótken kezdesýde qazaqstandyq sportshylar Taıland quramasymen oınap, 0:43 esebimen jeńilip qaldy. Osydan keıin komanda besinshi oryn úshin kúresin jalǵastyrdy. Aldymen Qazaqstan Ózbekstandy 29:7 esebimen jeńdi. Al sheshýshi kezdesýde otandastarymyz Úndistannan 17:12 esebimen basym túsip, qorytyndy esepte besinshi orynǵa ıe boldy.
Qazaqstan erler quramasy toptyq kezeńde Shrı-Lanka, Qytaı jáne Ońtústik Koreıa komandalaryna qarsy oınap, úsh kezdesýde de jeńilis tapty. Osydan keıin qurama 9-12-oryndar úshin kúresti jalǵastyrdy.
Qazaqstandyqtar Úndistandy 28:19 esebimen jeńip, keıin Sıngapýrǵa 7:17 esebimen ese jiberdi. Al sońǵy kezdesýde Qazaqstan Ózbekstannan 17:14 esebimen basym túsip, Azııa serııasynyń alǵashqy kezeńin onynshy orynmen aıaqtady.
Aıta keteıik, erler arasynda Gonkong quramasy jeńimpaz atansa, al áıelder arasynda Japonııa top jardy.
Qazaqstan velotrekten Azııa kýbogynda bes altyn medal jeńip alǵanyn jazǵan edik.
